سەرلەبەیانیی ڕۆژی سێشەممە ٢٣ی ڕەشەمە، سەجاد مورادیوەندان، هاووڵاتیی خەڵکی ئاودانان بە نیشانەی ناڕەزایەتی بە پێڕانەگەیشتن بە دۆسییەکەی لە زیندانی ناوەندیی ئیلام بە دوورینەوەی لێوەکانی مانی لە خواردن گرت.
ڕۆژی دووشەممە ٢٢ی ڕەشەمە، دوو هاووڵاتیی کورد بە ناوەکانی "هیوا ڕەحیم پوور"، کە لە نەخۆشخانەی بۆکان پەرستارە و "سەلاحەدین شەریفی" خەڵکی بۆکان لەلایەن هێزە ئەمنییەتییەکانەوە دەسبەسەر کران.
ڕۆژی چوارشەممە ١٧ی ڕەشەمە، زیندانییەک بە ناوی "فەرهاد نەقیزادە" کوڕی ئیبراهیم، خەڵکی ورمێ، بەهۆی کەمتەرخەمی لە پێڕاگەیشتنی پزیشکی و وەدرەنگخستن لە نێردرانی بۆ نەخۆشخانە گیانی لەدەست دا.
لە ماوەی ڕۆژانی ڕابردوودا، حوکمی لەسێدارەدرانی حاتەم ئوزدەمیر، زیندانیی سیاسیی کورد لەلایەن لقی ٩ی دیوانی باڵای وڵاتەوە ڕەت کرایەوە و دۆسییەکەی بۆ پێڕاگەیشتنی دووبارە نێردرایە دادگای ئینقلابی ورمێ.
کات و لقی دادگای پێڕاگەیشتن بە تۆمەتەکانی سامان یاسین (سەیدی)، هونەرمەندی کوردی خەڵکی کرماشان دیاری کرا.
سەرلەبەیانیی ڕۆژی یەکشەممە ٢١ی ڕەشەمە، حوکمی لەسێدارەدانی زیندانییەک بە ناوی "عەلی مەخان سەیفی" تەمەن ٣٥ ساڵ خەڵکی گوندی "مسگرە" سەر بە ناوچەی عوسمانوەندی کرماشان لە زیندانی دێزڵاوا جێبەجێ کرا.
ڕۆژی یەکشەممە ٢١ی ڕەشەمە، ئاروین نیکپەی، هاووڵاتیی خەڵکی گوندی "نێ"ی مەریوان پاش تەواوبوونی قۆناغەکانی لێپرسینەوە لە گرتنگەی ئیدارەی ئیتلاعاتەوە بۆ زیندانی مەریوان ڕاگوێزرا.
ڕۆژی یەکشەممە ٢١ی ڕەشەمە، بەهادین مەلەکی، چالاکی سێنفیی مامۆستایان لە سنە بە دانانی بارمتە ئازاد کرا.
ڕۆژی شەممە، ٢٠ی ڕەشەمە، کاوە سەلیمی، چالاکی مەدەنیی کوردی یارسان بە دانانی بارمتە بە شێوەی کاتی ئازاد کرا.
شوناسی چوارەمین زیندانی کە سەرلەبەیانیی ڕۆژی هەینی ١٩ی ڕەشەمە لەگەڵ سێ زیندانیی دیکە لە زیندانی ناوەندیی ورمێ لە سێدارە درا، بۆ کوردپا ڕوون بووەوە.
ئاژانسی هەواڵدەریی کوردپا
