Welatiyekî Kurd bo cîbicîkirina cezayê xwe bo girtîgeha bajarê Urmiyê hate veguhastin
Roja Şemî 27ê Befranbarê, welatiyekî Kurd yê bi navê “Hesen (Rehman) Beratî”, kurê Îsmaîl, xelkê gundê “Bava” yê ser bi devera Mirgewer, bo cîbicîkirina cezaya xwe bo girtîgeha navendî a bajarê Urmiyê hate veguhastin.
Ew girtiye, niha di benda qerentîne ya girtîgeha bajarê Urmiyê de ye.
15ê Gelawêja sala 1398an, li taya 3 a dadgeha şoreş ya bajarê Urmiyê bi serokayetiya dadwer “Riza Necefzade” hatibû dadgehîkirin û bi tohmeta “hevkarîkirin digel yek ji Partiyên Kurdî yên dijbeê hikûmeta Îranê”, bi 5 sal girtîgeha teizîrî hatibû cezadan û ew cezaye li taya 1 a dadgeha pêdaçûn ya bajarê Urmiyê, bo 6 meh girtîgeha teizîrî hatibû guherîn.
“Hesen (Rehman) Beratî” 10ê Pûşpera sala 1398an, di dema karê hasiliyê de li gundê “Bava”, ji aliyê hêzên ewlehî ve hatibû binçavkirin û piştî 17 roj binçavkirina wî li odeya kesî a girtîgeha îdareya Îtilaata bajarê Urmiyê, bo benda 4-3 a girtîgeha wî bajarî hatibû veguhastin û piştî 23ê rojan bi danîna barimteyê bi awayekî demkî hatibû azadkirin.
