Serokê Herêmê: Geşbînin bi hevdîtina li gel Ocalan

Ajansa Kurdpa: Berdevkê serokayetiya Herêma Kurdistanê : Serokê Herêma Kurdistanê Mesûd Barzanî dilxweş û geşbîne bi wê hevdîtina ku parlemanterên Kurd yên Tirkiyê li gel serokê PKK`ê yê ku di zîndana Îmraliyê de girtiye Ebdulah Ocelan çêkirin.

Eve jî deqa daxuyaniya berdevkê Serokayetiya Herêma Kurdistanê :
\"Serokê Herêma Kurdistanê rêzdar Mesûd Barzanî gelekî bi hevdîtina li Tirkiyê li gel Abdulah Ocalan ku encam da dilxweş û geşbîn e û bi gavekî erênî û mezin dizanê û bi bilind dinirxîne. Her weha hêvîdar e ku eve bibe destpêkekî sînber û karîger berve çespandina rasterast ya aştî û bidawîanîna şer û tundûtîjiyê û gihîştina çareseriyekî aştiyane bo doza Kurd li Tirkiyê.\" Dr. Umîd Sebah Berdevkê Serokayetiya Herêma Kurdistanê.
Jêder: Xendan