Saziya Lêbûrîn a Navnetewî: Heyder Qurbanî di bin gefa Îdamkirinê de ye
Saziya Lêbûrîn ya Navnetewî di bangewaziyekê de, ragihandiye Heyder Qurbanî, hepsiyê siyasî yê Kurd ku bi îdamê hatiye cezada, di bin gefa îdamkirinê de ye û daxwaz ji berpirsê hêzên dadwerî kiriye ku dibe demûdest biryara cîbicîkirina cezaya îdama wî hepsiyê siyasî ragirin.
Dê wê bangewaziyê de, hatiye: “Heyder Qurbanî, hepsiyê siyasî yê Kurd temen 47 salî, di bin gefa îdamkirinê de ye. Berpirsên Îtila`atê, dadistan û hêzên dadwerî usûla dadgehiyekî dadperwerane di dosiya wî hepsiyê de binpê kirine û dadgeha şoreş a bajarê Sineyê, tevî vê ku di biryara xwe de ragihandiye ku Heyder Qurbanî ti demê çekdar nebûye, lê ew hepsiyê siyasî bi tohmeta “raperîna çekdarî a dijî binemayên nîzamî” (beqî) bi îdamê hatiye cezadan.
Saziya Lêbûrîn a Navnetewî di wê bangewaziyê de, eva jî gotiye: Dadgeh berevajî yasayê, pişt bi “îtiraf”a zorê ya lêdan û îşkenceyê, bi bê amadebûna parêzerê wî girêdaye û di demekê de ku Heyder Qurbanî, qurbaniyê bêserûşûn yê bi zorê ye.
Herwisa wê Saziya Mafê Mirov, ragihand: “Berpirsê hêza dadwerî dibe demûdest biryara cîbicîkirina cezaya îdamkirina “Heyder Qurbanî” rawestîne û tevî hilûşîna wê cezayê, destpêragihîştina navbirî bi birêveçûna dadgehîkirina dûbare û dadperwerane, gerentî bikin”.
Meha Xermanana îsal, Dîwana Bilind a welat daxwaza pêdaçûn bi dadgeha “Heyder Qurbanî”, hepsiyê siyasî ê di girtîgeha navendî a bajarê Sineyê de ret kiribû.
Ew hepsiyê siyasî di taya 1 a dadgeha şoreş a bajarê Sineyê de bi tohmeta “Bexî” bi îdamê hatiye cezadan û Dîwana Bilind a Dadweriya welat ew cezaye piştrast kiriye.
Piştî piştrastkrina cezaya îdama “Heyder Qurbanî” di Dîwana Bilind a welat de, parêzerê dosiya “Heyder Qurbanî” hepsiyê siyasî ku bi îdamê hatiye cezadan; daxwaza lipeykevtina taya hevalî ji dadgeha şoreş a bajarê Sineyê kir.
Berpirsên girtîgeha navendî yên bajarê Sineyê di bertekekê de, ji derheq dengdana berfireh a nûçeyên piştraskirina cezaya îdama “Heyder Qurbanî” di nav mediyayn de, ji aliyê Dîwana Bilind a welat ve, ew hepsiyê siyasî yê Kurd ji çavpêkevtin digel malbatê bêpar kirin.
