Kurdpa di hewlê de ye ku dengê xelkê bigihîne Rêkxirava Neteweyên Yekgirtî
Rêkxirava Mafê Mirovî ya “Kurdpa”yê bona eşkerekirina zêdetir a binpêkirina mafê mirov li Kurdistanê û gihandina zaniyariyan bo Komîteya Peydakirina rastiyan a Neteweyên Yekgirtî, daxuyaniyek belav kiriye.
Deqa daxuyaniyê wiha ye:
Welatiyên rêzdar!
Şêweraya Mafê Mirovî ya Neterweyên Yekgirtî di kombûna roja 24`ê Çiriya Paşîn de biryar da ku bona peydakirina rastiyan ên li derheq serkutkirina xwenîşanderan û xelkê serhildêrê Îranê Komîteyekê ava bike.
Pêştire jî û di heyama derbasbûyî de Rêkxiravên Mafê Mirovî ku yek ji wan Rêkxirava Mafê Mirovî ya “Kurdpa”yê ye, hewl dabûn ku dengê mafên binpêkirî yên Kurdistanê bin. Heta niha gelek zaniyarî, nûçe û rapor di vê derheqê de belav kiriye ku dikarin bo Komîteya peydakirina Rastiyan a Neteweyên Yekgirtî bişînin. Lê, renge ew zaniyarî bi tevahiya rastiyan nedin xuya; Lewma, em daxwaz ji hemû welatiyên Kurdistana Îranê dikin ku li derheq binpêkirina mafê mirov û destdirêjî bo ser maf û kerameta mirovan li Kurdistanê ji aliyê hêzên leşkerî û ewlehî yên Komara Îslamî ve her cure zaniyarî û belgeyek hene, bo me bişînin ku bi zaniyariyên xwedî belge, dengê we bigihînin Şêwreya Mafê Mirovî ya Neteweyên Yekgirtî û Komîteya peydakirina Rastiyan.
Zaniyariyên ku hûn dikarin bo me alîkar bin ew in:
- Nav, zaniyarî, wêne, adres û belge li ser wan kesên ku di heyama serhildanê ya naskirî bi Serhildana “Jîna”yê de bi destê hêzên serkutker ên Komara Îslamiya Îranê hatine kuştin.
- Nav, zaniyarî, wêne û belge li ser wan kesên ku bi destê hêzên hikûmî û kinc sivîl hatine birîndarkirin.
- Nav, zaniyarî, wêne û belge li ser wan kesan ku di vê serhildanê de bi destê hêzên ewlehî yên Komara Îslamî bo her heyamekê hatibin binçavkirin
- Nav, zaniyarî, wêne û belge û vîdiyo li ser wan milk û mal û keresteyên ku bi destê hêzên serkutker ên Komara Îslamî hatibin kawilkirin an bi talan biribin.
- Bi taybet nav û zaniyarî û belge li ser wan kesên ku di serkutkirinan de rol hebûne, çi hêzên fermî yên hikûmî û çi kinc sivîl an kesên ku hêzên deverî bûne û di dema serhildanê de bi hêzên hikûmî re bo serkut û binçavkirina xelkê serhildêr alîkarî dabin.
- Her cure belge û zaniyariyek din ku bikare bo eşkerekirina rastiyan û gihandina zaniyariyan bo Navenda Mafê Mirov alîkar be, wan zaniyarî û belgeyan bo wan adresên Kurdpayê bişînin:
E-mail: [email protected]
Hejmara “Kurdpa”yê li Watsap, Telegram û Sîgnal:
0012026078129
