Êvariya roja Yekşemî 26`ê Xermananê, welatiyekî bi navê “Mehdî Hatemî” temen 18 salî û xelkê bajarê Dêwolanê ji aliyê hêzên ewlehiyê ve hat binçavkirin û bo cihekî nediyar veguhastin.
Du welatiyên bi navên “Riza Îbrahîmî” û “Secad Seyîdmoradî” xelkê bajarê Dêwolanê ji aliyê hêzên ewlehiyê ve hatin binçavkirin û bo cihekî nediyar veguhastin.
Roja Şemî 25’ê Xermananê, Gelawêj Tehmasibî, çalakvana medenî û çiyagera xelkê Sine, piştî ku bo Îdareya Îtilaata vî bajarî hatibû gazîkirin, hat binçavkirin.
Roja Şemî 25ê Xermananê 2 welatiyên Kurd bi navên “Ferzad Rehmetî” xelkê Seqizê û “Bêhrûz Gulnima” yê xelkê Sine ji aliyê hêzên ewlehiyê ve hatin binçavkirin û bo cihekî nediyar veguhastin.
Roja Şemî 25’ê Xermananê, welatiyê bi navê Bextiyar Nezerî yê xelkê Merîwanê bo Îdareya Îtila’ata Spaha Pasdaran a vî bajarî hat gazîkirin û vir jî hat binçavkirin.
Roja Şemî 25’ê Xermananê welatiyekî Kurd bi navê Mêhran Saedî temen 29 salî û kurê Ehmed xelkê Seqizê ji aliyê hêzên ewlehiyê ve hat binçavkirin û bo cihekî nediyar veguhastin.
Roja Înê, 24ê Xermananê, zaroka temen 15 salî ya bi navê “Kavan Rizayî” û xelkê Sine ji aliyê hêzên ewlehiyê ve hat binçavkirin.
Roja Şemî 25’ê Xermananê, Rojan Melikî ya temen 16 salî, û xelkê gundê “Tengîsar” û rûniştiyê Merîwanê, bo îdareya îtilaata vî bajarî hate gazîkirin û lêpirsîn ji wê hatiye kirin.
Roja Şemiyê 25ê Xermananê, Mihemed Moradînejad karmendê îdareya Çavkaniyên Xwezayî ya Kamiyaranê xelkê gundê Alikê bo Îdareya Îtilaata vî bajarî hat gazîkirin û hat binçavkirin.
Sibeha roja Şemiyê 25ê Xermananê, 2 welatiyên Kurd yên bi navên “Elî Ehmedî” û “Diyar Ehmedî” li gundê “Arnan”a Sine ji aliyê hêzên ewlehiyê ve hatin binçavkirin û bo cihekî nediyar veguhastin.
Ajansa Nûçegihandinê ya Kurdpa
