Çalakvana medenî ya bajarê Îlamê Sumeye karger digel çar kesên din bi 38 sal girtîgehê hatine cezakirin

Çalakvana medenî ya xelkê bajarê Îlamê“Sumeye Karger”, digel çar kesên din ên bi navên “Nahîd Teqwayî”, “Behare Silêymanî”, “Nazenîn Mihemednijad” û “Mêhran Reûf”, ji aliyê taya 26 a dadgeha şoreş a bajarê Taranê bi serokayetiya dadver “Îman Efşarî”, gelemper bi 38 sal girtîgeha te`izîrî hatine cezakirin. 

Nûçegihaniya “Hêrana” di wê derheqê de belavkiriye ku ew 5 kese bi “beşdarî li birêvebirina girûpên neyasayî û çalakiyên piropagende li dijî nizamê”, hatine tawanbar kirin û “Nahîd Teqwayî” û “Mêhran Reûf”, bi 10 sal û 8 meh girtîgeha te`izîrî, “Someye Karger” û “Behare Silêmanî” bi 6 sal û 8 meh girtîgeha te`izîrî, “Nazenîn Mihemednijad” bi 3 sal û 4 meh girtîgeha te`izîrî, hatine cezakirin.

Welatiya xelkê bajarê Îlamêye “Sumeye Karger” ku  derçûya beşa Felsefe li zankoya bajarê Tewrizê ye, li rêkevta 25`ê Gelawêja sala 1399an, ji aliyê Îtla`ata Spaha Pasdaran ve li mala wê de li bajarê Tehranê hatibû binçavkirin û bo benda 2 ya “Elif” a girtîgeha Êvînê hatibû veguhastin û piştî 4 mehan bi girtîgeha “Qerçek a Weramînê hatibû veguhastin.

Ew çalakvanê medenî roja çarşemî 8`ê Banemerê, piştî derbasbûna nizî 6 mehan li benda 2 a Elif a girtîgeha “Evîn” û girtîgeha “Qereçek” bi danîna barimteya 500 milyon tomenî hatibû azadkirin.