Girtîgeha Îlam; 10emîn roja greva birçîbûnê ya Zehra Mihemed Valî di roja 46emîn a binçavkirin û nezelaliyê de ye

16ê Pûşpera 1405an a Rojî, "Zehra Mihemed Valî", jineke Kurd a 27 salî ku li girtîgeha Îlamê girtî ye, nêzîkî du hefteyan e ji bo nerazîbûna li hember binçavkirin, nezelaliyê û lêpirsînên dubare yên berdewam di greva birçîbûnê de ye, û heta dema weşandina vê raporê, greva wê ya birçîbûnê hîn jî berdewam dike da ku rewşa wê zelal bibe.

Çavkaniyek agahdar vê nûçeyê piştrast kir û ji Kurdpa re got; "Zehra Mihemed Valî" 10 roj in ji bo nerazîbûna li hember binçavkirina xwe ya bêserûber, binçavkirina xwe ya bêdawî û lêpirsînên dubare yên berdewam li girtîgeha Îlamê di greva birçîbûnê de ye. Her çend di rojên dawî de ji ber greva birçîbûnê mafê serdana malbata xwe wergirtibe jî, greva wê ya birçîbûnê niha di roja xwe ya dehemîn de ye.

"Zehra Mihemed Valî", jineke Kurd a 27 salî xelkê Avdananê û rûniştiya Dehloranê, di 2ê Cozerdana 1405an a Rojî de bêyî biryara dadgehê ji aliyê hêzên ewlehiyê ve hate binçavkirin û ji bo cihekî nediyar hate veguhastin. Piştre ew ji bo girtîgeha Navendî ya Îlamê hate veguhastin.

Heta dema belavbûna vê nûçeyê, sebeba binçaçavkirina vê welatiya Kurd nayê zanîn û hêzên ewlehiyê ti ravekirinek nedane. Her wiha hîn jî mafê wê yê dîtina parêzerekî nayê qebûlkirin.