Asimanava/Îlam; 17 roj binçavkirin û nebûna agahiya tam li derheq çarenivîsa 3 ciwanên Kurd: Elîriza Qasimnijad, Armîn Esediyan, Ehmedriza Kûhzadiyanî

16ê Cozerdana 1405an a Rojî 17 rojin bi ser binçavkirin bê belge ya sê ciwanên Kurd ên xelkê bajarê Asimanava girêday parêzgeha Îlamê, yên bi navên "Elîriza Qasimnijad", "Armîn Esediyan" û "Ehmedriza Kûhzadiyanî", hîn jî tu agahî li derheq çarenivîs û cihê wan tune. Nebûna agahiya tam a berdewam, bêparhiştina ji her têkilî an serdanê bi malbatên wan re, û nebûna mafê parêzer, fikara xizmên wan li ser jiyan û çarenivîsa wan zêde kiriye.

Çavkaniyek agahdar ev nûçe ji Kurdpa re piştrast kir û got: Roja Pêncşemî, 31ê Banemera 1405an a Rojî, hêzên ewlehiyê bêyî belgeya dadgehê êrîşî malên van sê ciwanên Kurd ên xelkê Asimanava kirin, bi lêdanê ew binçavkirin û ew veguhestin cihekî nediyar. Li gorî vê çavkaniyê, derbasbûna17 rojan piştî binçavkirina wan, hîn jî tu nûçeyek li derheq rewşa wan tune ye û ew ji mafê xwe yê hebûna parêzer, hevdîtin û têkiliya bi malbatên xwe re bêpar in.

Heta dema belavbûna vê nûçeyê, tu agahî li derheq sebebên binçavkirina van welatiyên Kurd nehatiye belavkirin û hêzên ewlehiyê di vî warî de tu ravekirinek nedaye.