Bocinûrd; Ferhad Baxçeqî, ciwanekî Kurd ê Kurmanc, bi 3 sal girtîgeh û 74 qamçîyan hat cezakirin
2ê Gelawêja 1405an a Rojî "Ferhad Baxiçeqî", ciwanekî Kurd ê Kurmanc xelkê Bocinûrdê ku di xwepêşandanên Befranbara 1404an a Rojî de du mehan bi awayekî bereday hatibû binçavkirin, vê dawiyê ji aliyê yek ji tayên Dadgeha Cezayê ya Bocinûrdê ve bi 3 sal girtîgeh û 74 qamçîyan hat cezakirin.
Çavkaniyek agahdar ev nûçe piştrast kir û ji Kurdpa re got; "Ferhad Baxiçeqî", ku di xwepêşandanên Befranbara 1405an a Rojî de hatibû binçavkirin û du mehan di bin çavdêriya tund de mabû, di dawiya Pûşpera 1405an a Rojî de ji aliyê taya 103an a Dadgeha Cezayê ya Bocinûrdê ve bi tohmetên "têkdana aramiya giştî bi beşdarbûna di civînan de", "guhnedana berpirsên hikûmetê dema ku li ser kar in" û "nakokî bi berpirsan re" hat cezakirin.
Ferhad Baxiçeqî di 8ê Befranbara 1404an a Rojî de, bêyî belgeya dadgehê, ji aliyê hêzên ewlehiyê ve hate binçavkirin û piştî du mehan ragirtina bereday û odeya takekesî li navendên ragirtina ewlehiyê û Girtîgeha Bocinûrdê, piştî danîna barimteya 5 milyar Tûmenî, bi awayekî demkî hate berdan.
Li gorî vê çavkaniyê, biryara vî welatiyê Kurd bi awayeke ne amade hatiye dayîn. Mafê wî yê parêzeriyê tunebû û di du mehên ragirtina bereday de ji mafê hebûna parêzer û hevdîtina bi malbata xwe jî bêpar mabû.
