Bokan; Binçavkirina Meryem Dawûdiyan, welatiya Kurd a 58 salî, û veguhestin bo Girtîgeha Navendî ya Urmiyê

Roja Duşemî 31ê Xakelêweya 1405an a Rojî, Meryem Dawûdiyan, welatiya Kurd a temen 58 salî ya xelkê bajarê Bokanê, piştî ku ji bo Stada Xeberî a beşa Îtlaat ya vî bajarî hat gazîkirin  û binçavkirin û ji bo Girtîgeha Navendî ya Urmiyê hat veguhestin.

Li gorî çavkaniyek agahdar, ev welatiya Kurd piştî ku bi telefonê ji bo Stada Xeberî ya beşa Îtlaat ya Bokanê hat gazîkirin û bi destûra binçavkirina demkî ya 10 rojan ji bo beşa karantînaya jinan a Girtîgeha Navendî ya Urmiyê hat veguhestin.

Çavkaniya agahdar zêde kir: Xanim Dawûdiyan ji nexweşiyên weke şekir, talasemiya piçûk, û artrîta romatoîd dikişîne, û berê ji ber nebûna tenduristiyê yek ji çavên xwe jidest daye û pêdivî bi lênêrîna bijîşkî û gihîştina domdar a dermanên xwe heye.

Çavkaniya agahdar diyar kir: Meryem Dawûdiyan di rojên dawî de bi pêwendiyeke kurt a telefonê ji malbata xwe re ragihand ku ew ji bo beşa karantînaya jinan a Girtîgeha Navendî ya Urmiyê hatiye veguhastin.

Heta dema belavbûna vê nûçeyê, li derheq sebeba binçavkirin û tohmetên li dijî vê welatiya Kurd de ti agahî tune ye.