Urmiye; Yek ji girtiyên serhildana Şoreşgerî ya Jin, Jiyan, Azadî, Mêhrab Ebdulazade, cezayê îdamê lê hat birîn

Mêhrab Ebdulazade yek ji girtiyên serhildana şoreşgerî ya Jin, Jiyan, Azadî ku di girtîgeha navendî ya Urmiyê de ye, ji aliyê dadgeha Şoreş a vî bajarî ve bi îdamê hat cezakirin.
 
Li gor çavkaniyek agehdar, di dosyeya vî xortê Kurd de, kuştina hêzeke Besîc bi wî ve hatiye girêdan û di dawiyê de jî bi tometbarkirina “Bexî” û derxistina cezayê îdamê li ser wî ji aliyê taya yekem a dadgeha Şoreşê ya Urmiyê, bi serokatiya dadwer "Necefzade" hatiye encam dan.
 
Vê çavkaniya haydar her wiha got: Ev ceza li dawiya meha Xermanana sala 1403an a Rojî li girtîgeha navendî ya Urmiyê li ser vî welatî hatiye sepandin.
 
Vê çavkaniya haydar diyar kir: Malbata vî welatiyê girtî ji ber gefên dezgehên ewlehiyê bêdeng mane.
 
 Ebdulazade di serhildana şoreşgerî ya Jin, Jiyan, Azadî li şehreka “Welî Esr” a bajarê Urmiyê di Rezbera sala 1401an a Rojî de ji aliyê hêzên ewlehiyê ve hatiye binçavkirin û piştî bidawîhatina pêvajoya lêpirsînê, ji yek ji navendên ewlehiyê bo girtîgeha navendî a vî bajarî hat veguhastin.
 
Mêhrab Ebdulazade, temen 26 salî, kurê Mihemed Emîn xelkê gundê “Xoşolan” a ser bi navçeya Somayê ya ser bi bajarê Urmiyê ye.