Xelata Nobelê ya Aştiyê ya sala 2023an ji çalakvana mafên mirovan ya Îranê Nergês Mihemedî re hat dayîn

Roja Înê, 14ê Rezberê, Komîteya Nobelê ya Norwêjê xelata Nobelê ya Aştiyê ya sala 2023an da Nergês Mihemedî, çalakvana mafên mirovan a li Îranê. 
 
Komîteya Nobelê ya Norwêjê di daxuyaniya xwe de ragihand: "Ev xelat ji ber têkoşîna wê ya li dijî givaş û serkutkariyên li ser jinan li Îranê û têkoşîna wê ya ji bo pêşxistina mafên mirovan û azadiya hemû kesî, ji bo Nergês Mihemedî tê dayîn." 
 
Komîteya Nobelê ya Norwêjê bal kişand ser kuştina Jîna-Mehsa Emînî û protestoyên Jin, Jiyan, Azadî û wiha got: "Bi dayîna Xelata Nobelê ya Aştiyê ji Nergês Mihemedî re, Komîteya Nobelê ya Norwêjê dixwaze têkoşîna wê ya wêrek a ji bo mafên mirovan binirxîne. Xelata Aştiyê ya îsal di heman demê de bi sed hezaran kesên ku par li dijî polîtîkayên cudaxwaz û givaşên li ser jinan a ji aliyê hikûmeta Îranê ve ku xwenîşandanek li dar xistin, tê dayîn." 
 
Rêxistina Mafê Mirovan a Kurdpa, tevî pîrozbahiyê li Nergês Mihemedî, daxwaza azadkirina wê û hemû girtiyên siyasî yên Îranê, ku li ser rêbaza têkoşîna azadiyê di girtîgehên Komara Îslamî ya Îranê de girtî ne û ji aliyê din ve ev xelat hemû têkoşerên ku ji bo azadî, edalet, demokrasî, mafên mirovan û jinan têdikoşin, rêz dike. Di daxuyaniya Komîteya Aştiyê ya Nobelê de hatiye diyarkirin ku ev xelat di çarçoveya nirxdayîna serhildana şoreşgerî ya Jin, Jiyan, Azadî û spasiya xwenîşander, şehîd, birîndar û girtiyên vê serhildanê ye ku piştî şehîdkirina Jîna Emînî dest pê kir û berdewam dike.