سەرلەبەیانیی ڕۆژی پێنجشەممە ٢٩ی جۆزەردانی ١٤٠٤، هاووڵاتییەکی کورد بە ناوی "سرووش یووسفزادە" خەڵکی مەهاباد لەلایەن هێزە ئەمنییەتییەکانەوە دەسبەسەر کرا و بۆ شوینێکی نادیار ڕاگوێزرا.
ڕۆژی پێنجشەممە ٢٩ی جۆزەردانی ١٤٠٤، مێهران خەدیریپوور، هاووڵاتیی خەڵکی مەهاباد پاش ئامادەبوون لە ئیتلاعاتی ئەم شارە دەسبەسەر کرا و بۆ شوێنێکی نادیار ڕاگوێزرا.
ڕۆژی سێشەممە ٢٧ی جۆزەردانی ١٤٠٤، هاووڵاتییەکی کورد بە ناوی "ئەمین سەعدوئی" خەڵکی گوندی "تاریمیش" سەر بە ناوچەی کوتولی شاری خۆی، بە شێوەی توندوتیژانە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سوهەیلا مەتاعی، چالاکی مەدەنیی خەڵکی دێولان بە تۆمەتی "پڕوپاگەندە بە قازانجی گرووپ یان ڕێکخراوەکانی دژبەری نیزامی کۆماری ئیسلامیی ئێران" لەلایەن لقی ١٠٢ی دادگای کەیفەریی ئەم شارەوە بە سێ مانگ بەندکرانی داسەپاو و سێ ساڵ بەندکرانی…
ڕۆژی یەکشەممە ٢٥ی جۆزەردانی ١٤٠٤، فواد مورادی، هاووڵاتیی خەڵکی گوندی "کێلەکوو" سەر بە شاری دیواندەرە پاش بانگکران بۆ ئیتلاعاتی ئەم شارە دەسبەسەر کرا.
ڕۆژی چوارشەممە ٢١ی جۆزەردانی ١٤٠٤، پێنج هاووڵاتیی کورد بە ناوەکانی "هیوا ئەحمەدی"، "سۆران سوڵتانی"، "ڕەحیم قودرەتی"، "محەممەد زەبیحی" و "ئیدریس عەلیمحەممەدی" خەڵکی سەقز بە دانانی بارمتە و بە شێوەی کاتی لە بەندیخانەی ئەم شارە ئازاد کران.
ئەمجەد گوریاخێز، چالاکی کرێکاری خەڵکی سنە لەلایەن لقی یەکی دادگای ئینقلابی ئەم شارەوە بە شەش مانگ بەندکرانی داسەپاو و دوو ساڵ بەندکرانی هەڵپەسێردراو مەحکووم کرا.
سەرلەبەیانیی ڕۆژی چوارشەممە ٢١ی جۆزەردانی ١٤٠٤، سزای لەسێدارەدانی سەجاد مورادی موتڵەق، بەندکراوی خەڵكی شاری هەرسین و دانیشتووی کرماشان لە بەندیخانەی قزڵحساری کەرەج جێبەجێ کرا.
سەرلەبەیانیی ڕۆژی چوارشەممە ٢١ی جۆزەردانی ١٤٠٤، سزای لەسێدارەدانی دوو بەندکراوی کورد بە ناوەکانی "ئەردەشێر سوڵتان ئابادی" خەڵکی هەرسین سەر بە کرماشان لە بەندیخانەی قزڵحساری کەرەج جێبەجێ کرا.
ڕۆژی سێشەممە ٢٠ی جۆزەردانی ١٤٠٤، ژمارەیەکی بەرچاو لە چالاکان و ئەنجومەنە ژینگەپارێزی، مەدەنی و شاخەوانییەکانی سنە، بە نیشانەی ناڕەزایەتی بە تێکدان و داگیرکردنی کێوی کوچکەڕەش، ڕێپێوانێکیان بەرەو بەرزاییەکانی ئەم کێوە ڕێک خست و بە دروستکردنی…
ئاژانسی هەواڵدەریی کوردپا
