ڕۆژی یەکشەممە ٦ی ڕەزبەری ١٤٠٤، محەممەد پەروازە، هاووڵاتیی خەڵکی گوندی "نێ" سەر بە شاری مەریوان، پاش ٦٧ ڕۆژ دەسبەسەرکرانی سەرەڕۆیانە بە دانانی بارمتەی ٥٠٠ میلیۆن تمەنی و بەشێوەی کاتی هەتا کۆتاییهاتنی قۆناغەکانی پێڕاگەیشتن بە دۆسییەکەی لە…
٦ی ڕەزبەری ١٤٠٤؛ محەممەد هووشمەند هاووڵاتیی خەڵکی گوندی "دەرەتفێ" سەر بە شاری مەریوان، لەلایەن دادگای ئینقلابی مەریوانەوە بە تۆمەتی "ئەندامەتی لە یەکێک لە دەستە یان گرووپە دژبەرەکانی وڵات" بە یەک ساڵ بەندکرانی داسەپاو سزا درا.
٥ی ڕەزبەری ١٤٠٤؛ لە ماوەی ڕۆژانی ڕابردوودا، "ناسێح لاهیجانی" کوڕی هەمزە، خەڵکی گوندی "هەمزاوا"ی پیرانشار، لەلایەن لقی یەکی دادگای ئینقلابی مەهابادەوە بە تۆمەتی ئەندامەتی لە یەکێک لە حیزبە کوردستانییەکان بە ١٠ ساڵ و یەک ڕۆژ بەندکران سزا درا.
٣ی ڕەزبەری ١٤٠٤؛ ڕۆژی پێنجشەممە ٣ی ڕەزبەری ١٤٠٤، قاسم عەزیزی، کۆڵبەری تەمەن ٤٧ ساڵی خەڵکی بانە، لە کاتی کۆڵبەریدا لە سنووری "سوورکێو"ی ئەم شارە بە تەقەی ڕاستەوخۆی هێزە نیزامییەکان کوژرا.
شەوی سێشەممە یەکی ڕەزبەری ١٤٠٤، کۆڵبەرێکی کورد بە ناوی "کاروان ئەڵماسی" خەڵکی شاری سەلاسی باوەجانی بە تەقەی هێزە نیزامییەکانی حکوومەت لە سنووری نەوسوود پێکرا و باسکی بەسەختی بریندار کرا.
فەرهاد کەریمی، هاووڵاتیی کوردی خەڵکی نەغەدە لەلایەن لقی ١٠٣ی دادگای کەیفەری ٢ی ئەم شارەوە بە شەش مانگ بەندکران سزا درا.
٣ی ڕەزبەری ١٤٠٤؛ سەرەڕای تێپەڕبوونی ٨٧ ڕۆژ لە دەسبەسەرکرانی سەرەڕۆیانە و توندوتیژانەی کاوە ڕەحیمی، هاووڵاتیی تەمەن ٤٠ ساڵی خەڵکی بۆکان و ماوەیەکی زۆر لێپرسینەوە لە ناوبراو لە یەکێک لە گرتنگە ئەمنییەتییەکانی ورمێ، ناوبراو لە ئێستادا…
ڕۆژی سێشەممە یەکی ڕەزبەری ١٤٠٤، هاووڵاتییەکی کورد بە ناوی "هیوا محەممەدی" کوڕی حەسەن خەڵکی گوندی "لەگز" سەر بە شاری بۆکان پاش بانگکران بۆ ئیتلاعاتی ئەم شارە دەسبەسەر کرا.
دوو هاووڵاتی بە ناوەکانی "عەلی دانشی" و "سامرەند وجوودی" خەڵکی مەهاباد لەلایەن لقی یەکی دادگای ئینقلابی ئەم شارەوە بە تۆمەتی "پڕوپاگەندە دژی نیزام" هەر کامیان بە چوار مانگ بەندکران سزا درابوون.
ڕۆژی سێشەممە یەکی ڕەزبەری ١٤٠٤، ئایهان ئیبراهیمی بەندکراوی سیاسیی خەڵکی ورمێ، پاش تێپەڕاندنی ٨٥ ڕۆژ بەندکران لە ماوەی سزا یەک ساڵەکەی، لەژێر چاوەدێریی پێبەندی ئێلێکترۆنیکیدا لە بەندیخانەی ناوەندیی ئەم شارە ئازاد کرا.
ئاژانسی هەواڵدەریی کوردپا
