لقی چواری دادگای پێداچوونەوەی سنە بە سەرۆکایەتیی "مستەفا تەیاری"، حوکمی زیندانیی "کامران ساختمانگەر"، چالاکی کرێکاریی کورد کە بە ٦ ساڵ زیندانیی تەعزیری لەگەڵ توندترین سزا مەحکووم کردبوو، پشتڕاست کردەوە.
ڕۆژی سێشەممە ١٩ی خاکەلێوە، دوو هاووڵاتیی کورد بە ناوەکانی "شارام کازمیان و محەممەد قزلباش"، خەڵکی ورمێ، بە دانانی بارمتە بە شێوەی کاتی لە زیندانی ناوەندیی ئەو شارە ئازاد کران.
بە ئامانجی بەربڵاوکردنەوەی بیاڤی چالاکییە مرۆڤدۆستانە و زانیاریبەخشەکانمان، "کوردپا" لە ویلایەتە یەکگرتووەکانی ئامریکادا تۆمار کرا.
ڕۆژی دووشەممە ١٨ی خاکەلێوە، "سابیر نادری"، زیندانیی سیاسیی کوردی خەڵکی شاری قوروە، پاش ١٨ مانگ ڕاگرتن لە زیندانی ناوەندیی سنە، لە ئەنجامی لێخۆشبوونی نەورۆزیی دەزگای دادوەری، لە زیندان ئازاد کرا.
ڕۆژی یەکشەممە ١٧ی خاکەلێوە، "ڕەحیم مەحموودی ئازەر" زیندانیی سیاسیی کورد لە گرتووخانەی زیندانی ناوەندی شاری ورمێ ، بە تۆمەتی "بەزاندنی سنوور" کە بە ٩ مانگ زیندانی حوکم دراوە، لە زیندانی ورمێ ئازاد نەکرا.
ڕۆژی یەکشەممە ١٧ی خاکەلێوە، لقی ١ی دادگای ئینقلابی سنە بە سەرۆکایەتیی دادوەر "سەعیدی" حوکمی سێ مانگ و ڕۆژێک زیندانیی بەسەر "فەردین مەولوودیـ"ـدا سەپاند.
بە پشتبەستن بە ئاماری تۆمارکراو لە ناوەندی ئاماری "مین و زندگی"، ٣٧ هاووڵاتی بەهۆی تەقینەوەی مین لە ئێران و کوردستان لە ماوەی یەک ساڵی ڕابردوودا (ساڵی ٩٨) کوژراون و بریندار بوون.
ڕۆژی شەممە ١٦ی خاکەلێوە، دوکتور "ڕەحیم یووسف پوور"، پزیشکی ناسراوی خەڵکی سەقز، لە لقی ٣ی لێپرسینەوەی دادگای گشتیی ئەو شارە، پاش ڕوونبوونەوەی حوکمەکەی بە دانانی بارمتە بە شێوەی کاتی ئازاد کرا.
دوو سەربازی هێزەکانی ئینتزامیی بە ناوەکانی "جەواد مێهری‌زادە و مازیار ئیستراکی" کە لە جادەی سەرشیوی سەقز، تووشی ڕووداوی تەقینەوەی مین ببوون، پزیشکان بە هۆی قورسی برینەکانیانەوە، ناچارن قولاپەی پێی ئەو دوو سەربازە بقرتێنن.
ناوەندە ئیتلاعاتییەکان لە ماوەی مانگێکدا، بۆ گوشار خستەسەر پزیشکی خۆشناوی سەقز، ٨ جار بانگهێشتنامەیان بۆ ناردووە.
ئاژانسی هەواڵدەریی کوردپا
