ئەمڕۆ سێشەممە، ١٣ی ڕەشەمە، زیندانییەک بە ناوی "سەلمان سلێمان نژاد"، بە گومانی تووشبوون بە ڤایرۆسی کۆرۆنا لە بەندی ٣ و ٤ی زیندانی ناوەندیی ورمێ بۆ نەخۆشخانەی دەرەوەی زیندان گوازرایەوە.
ڕۆژی یەکشەممە، ١١ی ڕەشەمە، چالاکێکی ژینگەپارێزیی کورد بە ناوی "دلێر خوسرەوی" خەڵکی گوندی "زەنان" سەر بە شاری سنە، لەلایەن هێزە ئیتلاعاتییەکانەوە دەسبەسەر کرا.
بڕیاری ڕاگیرانی هاووڵاتییەکی کورد بە ناوی "شارام کازمیان" کوڕی "فارس"، تەمەن ٤٢ ساڵ، بۆ ماوەی ٢ مانگی دیکە درێژ کرایەوە.
سەرەڕای پێیدانی مورەخەسی بە زیندانییان لە زیندانی کرماشان، بەهۆی بڵاوبوونەوەی ڤایرۆسی کۆرۆنا، لەسەر بڕیاری بەخشنامەی دازگای دادوەری، زیندانییانی سیاسی مافی مورەخەسییان پێ نادرێت.
لە ماوەی ڕۆژانی ڕابردوودا، هاووڵاتییەکی کورد بە ناوی "عوبەید عزیزنژاد"، خەڵکی کرماشان، لەلایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزرا.
لە ماوەی ڕۆژانی ڕابروودا، ژمارەیەک لە کۆڵبەرانی کورد لە سنووری سەڵماس کرانە ئامانجی تەقەی هێزەکانی سپای پاسداران.
ڕۆژی دووشەممە، ١٢ی ڕەشەمە، زیندانییەکی سوننی مەزهەب بە ناوی "محەممەد قەنبەردوست" کوڕی "ئەبووبەکر" بە گومانی تووشبوون بە ڤایرۆسی کۆرۆنا لە بەندی زیندانییانی سیاسیی زیندانی ورمێ، گوازرایەوە بۆ نەخۆشخانەی دەرەوەی زیندان.
ڕۆژی یەکشەممە، ١١ی ڕەشەمە، هێزە ئیتلاعاتییەکان بە هێرش کردنە سەر ماڵی هاووڵاتییەک بە ناوی "سەید مستەفا سەبری" و کوڕەکەی بە ناوی "سەید ئەحمەد سەبری" لە شاری "دێی پەسوێ" سەر بە پیرانشار، بەبێ بەڵگەی یاسایی ئەوانیان دەسبەسەر کردووە.
سەر لە بەیانی ئەمڕۆ ١١ی ڕەشەمە، زیندانییەکی کورد بە تۆمەتی "کوشتنی بە ئەنقەست" بە ناوی "ئەمیر مەحموودپوور" خەڵکی شاری بۆکان لە بەندی لاوانی زیندانی ورمێ لە سێدارە درا.
ڕۆژی هەینی ٩ی ڕەشەمە، زیندانییەک بە ناوی "فەریق محەممەدی"، تەمەن ٤٧ ساڵ، خەڵکی ناوچەی دەشتەبێڵی شاری شنۆ و دانیشتووی ورمێ، بەهۆی خراپیی باری تەندروستییەکەی لە یەکێک لە نەخۆشخانەکانی شاری ورمێ گیانی لەدەست دا.
ئاژانسی هەواڵدەریی کوردپا
