پێنج هاووڵاتیی کورد بە ناوەکانی "هاوژین قادری، بێهرووز قادری، ڕێبوار قادری، پەرویز قادری و جەلیل خودایی"، خەڵکی گوندی "یاقووباوا" سەر بە بانە کە سەرەتاکانی مانگی خاکەلێوە لەلایەن هێزە ئەمنییەتییەکانەوە دەسبەسەر کران، چارەنووسیان ناڕوونە.
ڕۆژی دووشەممە ١٦ی خاکەلێوە، ئەفشار فەتحی، چالاکی مەدەنیی خەڵکی گوندی "تەنگیسەر" سەر بە ناوچەی ژاوەرۆی سنە، پاش کۆتایی ماوەی مەرەخەسییەکەی، گەڕایەوە بۆ زیندانی ناوەندیی سنە.
ئەمڕۆ دووشەممە ١٦ی خاکەلێوە، سپای پاسداران بەرزاییەکانی شاهۆ لە شاری سەوڵاوای تۆپباران کردووە و زیانێکی زۆری بەر ژینگەی ئەو ناوچەیە گەیاندووە.
ئەمڕۆ دووشەممە ١٦ی خاکەلێوە، چالاکێکی مەزهەبی بە ناوی "ناسێح سورخابی"، کوڕی محەممەد و خەڵکی پیرانشار، بە دانانی بارمتەی ٢٠٠ ملیۆن تمەنی لە زیندانی ورمێ ئازاد کرا.
ڕۆژی یەکشەممە ١٥ی خاکەلێوە، شارام کازمیان، زیندانیی سیاسیی کورد لە زیندانی ناوەندیی ورمێ هاتە مەرەخەسی.
چالاکێکی سوننە مەزهەب بە ناوی "حامید عەلی مشکات"، لەلایەن لقی ١ی دادگای ئینقلابی ورمێ بە سەرۆکایەتی دادوەر "ڕەجەبی"، ٢٦ ساڵ زیندانی بەسەردا سەپا.
بەرەبەیانیی ڕۆژی یەکشەممە ١٥ی خاکەلێوە، سێ زیندانی بە ناوەکانی "ئەحەد حەبیبوەند"، کوڕی حوسێن، "سادق مەحی"، کوڕی عیسا و "محەممەد مەحموودی"، کوڕی حاجی حوسێن، لە زیندانی ناوەندیی ورمێ لە سێدارە دران.
ئەمڕۆ شەممە ١٤ی خاکەلێوە، شەش زیندانی بە ناوەکانی "سادق مەحی، میرسوڵتان ئەمیری، محەممەد مەحموودی، ئیبراهیم نەسیرخا، مستەفا نەسیرخا و ئەحەد حەبیبوەند"، بۆ جێبەجێکردنی حوکمی لە سێدارەدانیان، ڕەوانەی ژووری تاکەکەسیی زیندانی ورمێ کران.
جەوانمیر مورادی، چالاکی کرێکاری و خەڵکی کرماشان، بە تۆمەتی "پڕۆپاگەندە دژی نیزام"، لەلایەن لقی ١ی دادگای ئینقلابی ئەو شارەوە، بە ١ ساڵ زیندانیی تەعزیری مەحکووم کرا.
ڕێوڕەسمی جێژنی نەورۆز هەموو ساڵێک لە شار و گوندەکانی کوردستان لەلایەن گرووپە خەڵكییەکان و بە لەبەرکردنی جلوبەرگی کوردی، هەڵکردنی ئاگری نەورۆز و هەڵپەڕکێ و شایی و گۆڤەندەوە بەڕیوە دەچێت، بەڵام لەم ساڵانەی دواییەدا، بەڕێوەبردنی ئەم ڕێوڕەسمانە…
ئاژانسی هەواڵدەریی کوردپا
