ڕۆژی پێنجشەممە ١٠ی پووشپەڕ، هاووڵاتییەکی کورد بە ناوی "محەممەدتاهیر ئەلیاسی"، خەڵکی گوندی "گەرگوولی سەرەوە" سەر بە پیرانشار، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
بەرزان محەممەدی، زیندانیی سیاسیی پێشوو و خەڵکی سەوڵاوا، لەلایەن دادگای ئینقلابی مەریوان بە سەرۆکایەتی دادوەر "ڕوزبێ بێهبوودی"، ٢٢ مانگ و ١٧ ڕۆژ زیندانی بەسەردا سەپاوە.
بەپێی ئاماری تۆمارکراو لە ناوەندی ڕێکخراوی مافی مرۆیی کوردپا، لە ماوەی ٦ مانگی سەرەتای ساڵی ٢٠٢١ـەوە، سەرجەم ٩٨ کۆڵبەری کورد، کوژراو و بریندار بوونە.
لە ماوەی ڕۆژانی ڕابردوودا، هاووڵاتییەکی کورد بە ناوی "سۆران شەریفی"، خەڵکی بۆکان، بە دانانی بارمتە لە گرتنگەی ئیدارەی ئیتلاعاتی ئەو شارە ئازاد کرا.
بەرپرسانی زیندانی خەڵخاڵ بۆ دانی مەرەخەسی بە "سەلاح شەریفزادە"، زیندانیی سیاسیی کورد خەڵکی بۆکان، داوای بارمتەیەکی قورسیان کردووە.
ڕۆژی چوارشەممە ٩ی پووشپەڕ، کۆڵبەرێکی کورد بە ناوی "واحید ئەمینزادە"، تەمەن ٢٩ ساڵ خەڵکی سەقز، بەهۆی تەقەی هێزە نیزامییەکانی حکوومەتی لە سنووری "بروێشکانیـ"ـی بانە بریندار بووە.
ڕۆژی چوارشەممە ٩ی پووشپەڕ، دوو زیندانیی سیاسیی کورد بە ناوەکانی "سالار و سامان غەزالی"، خەڵکی مەهاباد لە زیندانی ئەو شارە ئازاد کران.
ڕۆژی چوارشەممە ٩ی پووشپەڕ، کۆڵبەرێکی کورد بە ناوی "کەیوان حەقمورادی"، تەمەن ٣٢ ساڵ، کوڕی خالید، خەڵکی گوندی "شێخە کوێرە" و دانیشتووی گەڕەکی "نۆبەهار"ی مەریوان، بەهۆی تەقەی هێزە نیزامییەکانی حکوومەتی لە بەرزاییەکانی "تەتە"ی هەورامان گیانی…
سەرلەبەیانیی ئەمڕۆ چوارشەممە ٩ی پووشپەڕ، زیندانییەک بە ناوی "محەممەدتاهیر سلێمانی"، تەمەن ٦٥ ساڵ و خەڵکی دزەی مەرگەوەڕی ورمێ، لە زیندانی مەهاباد لەسێدارە درا.
دادستانیی دادسەرای گشتی و ئینقلابی شاباد بەنیسبەت حوکمی بێتاوان ناساندنی ئانیسا جەعفەریمێهر، چالاکی فەرهەنگیی کورد، ناڕەزایەتی دەربڕیوە و دۆسیەی ناوبراو بۆ تاوتوێکردنی دووبارە، ڕەوانەی دادگای پێداچوونەوەی کرماشان کراوە.
ئاژانسی هەواڵدەریی کوردپا
