هاووڵاتییەکی کورد بە ناوی "خالید سەیف‌پەناهی" کوڕی ئەحمەد خەڵکی سنە، لەلایەن لقی ١ی دادگای ئینقلابی ئەو شارە بە سەرۆکایەتی دادوەر "سەعیدی" بە تۆمەتی "پڕۆپاگەندە لە بەرژەوەندیی ڕێکخراوەکانی دژبەری نیزامی کۆماری ئیسلامیی ئێران" بە ٩١ ڕۆژ…
سەرلەبەیانی ئەمڕۆ سێشەممە ٢٠ی بانەمەڕ، کۆڵبەرێکی کورد بە ناوی "فەرزاد نەجیبی" خەڵکی گوندی "هانەگەرمڵە"ی شاری پاوە بە تەقەی هێزە نیزامییەکانی حکوومەتی لە سنووری نەوسوود، پێکرا.
ئەمڕۆ سێشەممە ٢٠ی بانەمەڕ، کەیوومەرس لەتیفی، مامۆستای زمانی کوردی لە گرتنگەی ئیدارەی ئیتلاعاتی سنە، دووبارە بۆ زیندانی ناوەندیی ئەو شارە ڕاگوێزرایەوە.
دوانیوەڕۆی ڕۆژی دووشەممە ١٩ی بانەمەڕ، "عوسمان ئیسماعیلی" چالاکی کرێکاری پاش ٩ ڕۆژ لە دەسبەسەری، بە دانانی بارمتە لە زیندانی سەقز ئازاد کرا.
ڕۆژی دووشەممە ١٩ی بانەمەڕ، "مورتزا سەیدی" چالاکی کرێکاریی خەڵکی شاری کامێران، بە دانانی بارمتە لە زیندانی ئێڤین ئازاد کرا.
دوانیوەڕۆی ڕۆژی دووشەممە ١٩ی بانەمەڕ، "فەرهاد میرزایی" ئەندامی ئەنجومەنی سێنفیی فەرهەنگییانی شاری شاباد سەر بە پارێزگای کرماشان، لەلایەن هێزە ئەمنییەتییەکانەوە دەسبەسەر کرا.
لە ماوەی ڕۆژانی ڕابردوودا، حوکمی مەحموود نیرومەند، چالاکی فەرهەنگیی کورد لە گرتووخانەی "وەکیل‌ئاباد"ی شاری مەشهەد، لە دادگای پێداچوونەوەی پارێزگای خۆراسانی ڕەزەوی، بۆ دوو ساڵ و ٨ مانگ زیندانی تەعزیری کەم کرایەوە.
ئەمڕۆ یەکشەممە ١٨ی بانەمەڕ، مامۆستایانی مەریوان پاش بانگەوازی ئەنجومەنی سێنفیی مامۆستایانی کوردستان - مەریوان بۆ پشتیوانی لە ئەسکەندەر لوتفی و مەسعوود نیکخا و ناڕەزایەتیی دەربڕین بەنیسبەت بێڕێزی و سووکایەتیکردن بە مامۆستایان مانیان گرت.
ئەمڕۆ شەممە ١٧ی بانەمەڕ، جەنازەی "بارزان مەهینی" کوڕی شەوکەت، یەکێک لەو سێ کۆڵبەرەی گوندی "باوانـ"ـی ناوچەی "مەرگەوەڕ"ی ورمێ، پاش ١١٤ ڕۆژ لە خاکی تورکیە لە گوندی "گەلێشمـ"ـی ئەو وڵاتە دۆزرایەوە.
ڕۆژی پێنجشەممە ١٥ی بانەمەڕ، زیندانییەکی سیاسی بە ناوی "بەهائەدین مستەفانژاد" تەمەن ٣٠ ساڵە کوڕی محەممەد خەڵکی گوندی "بەرکەمرانـ"ـی شاری پیرانشار بە شێوەی مەرجدار لە زیندانی ورمێ ئازاد کرا.
ئاژانسی هەواڵدەریی کوردپا
