شەوی چوارشەممە ۳۰ی خەرمانان، منداڵێک بە ناوی "ئەمیرحوسێن بەساتی"، تەمەن ۱٥ ساڵ لە ڕەوتی کۆبوونەوەی ناڕەزایەتی بە قەتڵی حکوومەتیی ژینا ئەمینی بەهۆی تەقەی ڕاستەوخۆی هێزە ئەمنییەتییەکان لە کرماشان گیانی لەدەست دا.
ڕۆژی یەکشەممە ١٠ی ڕەزبەر، کۆڵبەرێک بە ناوی "سامان زارعی" کوڕی جەلال خەڵکی بانە بەهۆی تەقەی هێزە نیزامییەکانی حکوومەتی لە سنووری "هەنگەژاڵـ"ـی ئەو شارە کوژرا.
شەوی شەممە، ٩ی ڕەزبەر، سەرچاوەکانی ئاژانسی هەواڵدەریی کوردپا لە مەریوان، باسیان لە کوژرانی هاووڵاتییەک بەناوی "موختار ئەحمەدی"، بە تەقەی هێزە ئەمنیەتییەکان لە درێژەی ناڕەزایەتییەکان لەم شارە کرد.
ئەمڕۆ شەممە، ٩ی ڕەزبەر، هاووڵاتییەکی کورد بە ناوی "محەممەدفەرەج ڕەحیمی"، تەمەن ٦٠ ساڵ و خەڵکی گوندی "ڕەجەبی" سەر بە سەلاسی باوەجانی بە تەقەی هێزە نیزامییەکانی حکوومەت لە سنووری ئەم شارە گیانی لەدەست دا.
ڕۆژی هەینی، ٨ی ڕەزبەر، "فەریدە نعمەتی"، چالاکی بواری ژنان لە سنە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
تۆپبارانی مەقەڕەکانی حیزبە کوردییەکانی ئۆپۆزسیۆنی حکوومەتی ئێران بۆ حەفتەمین ڕۆژی بەردەوام لەلایەن تۆپخانەکانی سپای پاسداران لە هەرێمی کوردستان درێژەی هەیە.
شەوی سێشەممە، ٥ی ڕەزبەر، هاووڵاتییەک بەناوی "شوانە مورادی ئەقدەم"، کوڕی حەسەن خەڵکی گوندی "گەزگەسک" سەر بە پیرانشار بە تەقەی هێزە نیزامییەکانی حکوومەت لە سنووری ئەم شارە گیانی لەدەست دا.
ڕۆژی پێنجشەممە، ٧ی ڕەزبەر، بەیان عەزیزی، لێکۆڵەر و چالاکی بواری ژنان پاش بانگهێشت بۆ ئیدارەی ئیتلاعاتی سنە، دەسبەسەر کرا.
دوابەدوای هێرشە پەهبادی و مووشەکییەکانی سپای پاسدارانی کۆماری ئیسلامی بۆ سەر بنکەی حیزبەکانی کوردستانی ئێران و کەمپی پەنابەرانی سیاسیی ئەم حیزبانە لە پارێزگاکانی هەولێر و سلێمانی، ١٧ کەس گیانیان لەدەست داوە و ٤٩ کەس بریندار بوونە.
ڕۆژی چوارشەممە ٦ی ڕەزبەر، دوو هاووڵاتیی کورد بە ناوەکانی "موبین ڕەسووڵتاب" و "مێهران حەسەنزادە"، خەڵکی گوندی "گردکاشان" سەر بە شاری شنۆ لەلایەن هێزە ئەمنییەتییەکانەوە دەسبەسەر کران.
ئاژانسی هەواڵدەریی کوردپا
