محەممەد مورادی نەساری، شاعیر و نووسەری خەڵكی ئیلام و خوێندکاری دوکتۆرای وێژەی زانکۆی کوردستان کە خەزەڵوەری ئەمساڵ پاش دەرچوون لە تاقیکاریی مامۆستایەتی لە یەکێک لە قوتابخانەکانی سنەدا دەستی بە وانەوتنەوە کردبوو، بە هۆی گوشاری ناوەندە…
ڕۆژی یەکشەممە، ٢٠ی ڕەشەمە، سامان یاسین (سەیدی)، هونەرمەندی کوردی خەڵکی شاری کرماشان و لە دەسبەسەرکراوانی بزووتنەوەی ژن، ژیان، ئازادی، لە نەخۆشخانەی دەروونیی ئەمین ئاباد (ڕازی)ی شاری ڕەی تارانەوە بۆ بەندیخانەی قزڵحساری کەرەج ڕاگوێزرا.
ڕۆژی دووشەممە، ٢١ی ڕەشەمە، پێدرام حوسێن‌پەناهی، زوبەیر حوسێن‌پەناهی و عەباس حوسێن‌پەناهی، سێ هاووڵاتیی خەڵکی گوندی "قورووچای"، سەر بە شاری دێولان بە دانانی بارمتە و بەشێوەی کاتی هەتا کۆتاییهاتنی قۆناغەکانی دادڕەسی لە گرتنگە ئازاد کران.
سەرلەبەیانیی ڕۆژی دووشەممە، ٢١ی ڕەشەمە، سزای لەسێدارەدرانی بەندکراوێک بە ناوی "مەنسوور مەنسووری"، خەڵکی شاری سەراوڵە لە بەندیخانەی ناوەندیی ئیلام جێبەجێ کرا.
ڕۆژی یەکشەممە، ٢٠ی ڕەشەمەی ١٤٠٢، ژنێک بە ناوی "زیبا سەیاد"، تەمەن ٢٧ ساڵ، خەڵکی گوندی "حەسار کانی سپی" سەر بە ورمێ، بە چەکی گەرمەوە لەلایەن هاوسەری پێشوویەوە کوژرا.
سەرلەبەیانیی ڕۆژی دووشەممە ٢١ی ڕەشەمە، حوکمی لەسێدارەدانی زیندانییەک بە ناوی "موعین سەلاح‌وەرزی"، کوڕی "محەممەد" و خەڵکی گوندی "حەوت چەشمە" سەر بە شاری ئاودانان، لە زیندانی ناوەندیی ئیلام جێبەجێ کرا.
ڕۆژی یەکشەممە ٢٠ی ڕەشەمە، دلێر زاهێدیپوور، چالاکی ژینگە و کۆمەڵایەتیی خەڵکی مەریوان، بە دانانی بارمتە بەشێوەی کاتی هەتا کاتی دادگاییەکەی لە گرتنگە ئازاد کرا.
حوکمی زیندانیی سلێمان عەبدی، ئەندامی ئەنجوومەنی سێنفیی مامۆستایانی کوردستان – سەقز، بۆ زیندانی باز گۆڕدرا.
ڕۆژی یەکشەممە ٢٠ی ڕەشەمە، هاووڵاتییەکی کورد بە ناوی "فەریاد قادری"، خەڵکی گوندی "کۆلیج" سەر بە سەوڵاوا، پاش بانگهێشتکردنی بۆ دادسەرای گشتی و ئینقلابی سنە دەسبەسەر کرا.
ڕۆژی شەممە ١٩ی ڕەشەمە، مێرمنداڵێکی کورد بە ناوی "مەتین ڕازیان"، کوڕی سەعید، خەڵکی گوندی "ملە" و دانیشتووی سەقز، بە دانانی بارمتە بەشێوەی کاتی هەتا کاتی دادگاییەکەی لە گرتنگە ئازاد کرا.
ئاژانسی هەواڵدەریی کوردپا
