ڕۆژی دووشەممە ٢٩ی گەلاوێژی ١٤٠٣، عوسمان ئیسماعیلی، چالاکی کرێکاری، پاش قەبووڵکردنی لقی ٢ی جێبەجێکاری سزا کەیفەرییەکانی سەقز، بە مەبەستی بەدواداچوون بۆ دۆسییە پزیشکییەکەی بۆ ماوەی ٣ ڕۆژ مورەخەسیی پێ درا.
عەبدوڵڵا شەریفزادە، ئەندامی گرووپی شاخەوانیی "هەڵۆ"ی سەقز، بە بێ بوونی خۆی لەلایەن لقی یەکی دادگای ئینقلابی سەقزەوە بە سەرۆکایەتیی دادوەر "جەواد مستەفایی" بە ١٠ مانگ بەندکرانی داسەپاو سزا درا.
ڕۆژی یەکشەممە ٢٨ی گەلاوێژی ١٤٠٣، هاووڵاتییەکی کورد بە ناوی "ئومید فەرەجی" تەمەن ٤٠ ساڵ و کوڕی عەبدوڵڵا، خەڵکی گوندی "نێ" سەر بە شاری مەریوان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ماشەڵڵا کەرەمی، باوکی محەممەدمێهدی (کۆمار) کەرەمی، ناڕازیی لەسێدارەدراو لە بزووتنەوەی ژن، ژیان، ئازادی لەلایەن لقی ١٠٢ی دادگای کەیفەری ٢ی نەزەرئابادی کەرەجەوە بە ٨ ساڵ و ١٠ مانگ بەندکران و سزای تەواوکەر سزا درا.
سزای داسەپاو دژی موژگان کاوسی، لێکۆڵەر و چالاکی بواری زمان و ئێتنیکی خەڵکی کەلاردەشتی مازەندەران لە لقی ٣٩ی دیوانی باڵای وڵات و پاش ڕادەستکردنی دۆسییەکەی بۆ لقی ٢ی دادگای ئینقلابی ساری، بۆ یەک ساڵ بەندکرانی داسەپاو کەم کرایەوە.
سەرلەبەیانیی ڕۆژی پێنجشەممە، ٢٥ی گەلاوێژی ١٤٠٣، سزای لەسێدارەدرانی بەندکراوێک بە ناوی "پەیمان ئەڵڵاوەیسی"، تەمەن ٣٧ ساڵ، لە بەندیخانەی سنە جێبەجێ کرا.
بەپێی ڕاپۆرتی ڕێکخراوی مافی مرۆڤی ئێران، سەرلەبەیانیی ڕۆژی چوارشەممە ٢٤ی گەلاوێژی ١٤٠٣، سزای لەسێدارەدانی بەندکراوێکی کورد بە ناوی "ناسر شەفیعی" تەمەن ٣٧ ساڵ و کوڕی محەممەدحوسێن، خەڵکی گوندی "نەبی کەند" سەر بە شاری تیکاب و دانیشتووی تاران…
ڕۆژی چوارشەممە ٢٤ی گەلاوێژی ١٤٠٣، هاووڵاتییەکی کورد بە ناوی "گەلاوێژ محەممەدی ئەرشەد"، تەمەن ٤٥ ساڵ کچی ئیبراهیم خەڵکی مەهاباد لەلایەن ناوەندە ئەمنییەتییەکانەوە دەسبەسەر کرا و بە شوێنێکی نادیار ڕاگوێزرا.
٢٤ی گەلاوێژی ١٤٠٣؛ پەخشان عەزیزی بەندکراوی سیاسیی سزادراو بە لەسێدارەدان لە بەندیخانەی ئێڤین، لە دۆسییەیەکی نوێدا کە لەلایەن لقی ٣ی لێرسینەوەی دادسەرای ئێڤینەوە کراوەتەوە، بە "ئاژاونانەوە لە بەندیخانە" تۆمەتبار کراوە.
سەرەڕای تێپەڕبوونی دوو ڕۆژ لە دەسبەسەرکرانی ڕەحمان قادری، هاووڵاتیی کوردی خەڵکی پیرانشار لەلایەن هێزەکانی ئیتلاعاتی سپاوە، سەبارەت بە چارەنووس و شوێنی ڕاگیرانی ناوبراو زانیارییەک لەبەر دەستدا نییە.
ئاژانسی هەواڵدەریی کوردپا
