ئەنجامی بەرگریی هاووڵاتییەكی كورد لە خەڵكی سووریە، زیندانی و شەلاقی بەدواوە بوو
22:10 - 24 پووشپەڕ 2712
ئاژانسی كوردپا: هاووڵاتییەكی كوردی خەڵكی كامیاران كە رێكەوتی 12ی جۆزەردانی ساڵی 1391ی هەتاوی لە شاری دێگولان لەلایەن هێزە ئەمنیەتییەكانەوە دەستبەسەر كرابوو، بە 4 مانگ زیندان و 20 زەربە شەلاق مەحكووم كرا.
بەپێی راپۆرتی ماڵپەڕی ئیسلام كورد، هاووڵاتییەكی كوردی دانیشتووی كامیاران بەناوی عەلی ئەكبەر كەمانگەر و یەكێك لە ئەندامانی سەرەكیی مەكتەب قورئانی كوردستان لە ناڕەزایەتی بە لێدوانی مەلا محەممەد ئەمین راستی بەرنوێژی كاتیی شارەكانی سنە و دێگولان، لەلایەن هێزە ئەمنیەتییەكانەوە لە شاری دێگولان دەستبەسەر و رەوانەی زیندانی قوروە كراوە.
لە دادگای دێگولان بە تاوانی \"ناڕەزایەتی بە وتەكانی مەلا مەحەممەد ئەمین و تێكدانی نزمی گشتی\" بە چوار مانگ زیندانی تەعزیری و 20 زەربە شەلاق مەحكووم كراوە.
ناوبراو خێزاندارە و سەرەڕای بەدواداچوونی چەندین جاری بنەماڵەكەی، هێشتا هەر لە زیندان دایە.
بەپێی هەمان سەرچاوە مەلا محەممەد ئەمین راستی لە وتەكانیدا پشتیوانی لە حكوومەتی سووریە و بەشار ئەسەد كردووە و خەڵكی ناڕازی و دژبەرانی بە تیرۆریست لە قەڵەم داوە.
سەرچاوەكە ئەوەشی خستۆتە روو، عەلی ئەكبەر كەمانگەر كەلە لاق و دەستیدا كەم ئەندامە، بەو قسانە ناڕەزایەتیی دەربڕیوە و وتوویەتی: \"ئەی بۆچی لەبارەی جینایەتەكانی بەشار ئەسەد لە سووریەوە قسەیەك ناكەیت\". كە ئەمە بۆتە هۆی ئەوەی كە لەلایەن هێزە ئەمنیەتییەكانەوە قۆڵبەست بكرێت.
بەپێی راپۆرتی ماڵپەڕی ئیسلام كورد، هاووڵاتییەكی كوردی دانیشتووی كامیاران بەناوی عەلی ئەكبەر كەمانگەر و یەكێك لە ئەندامانی سەرەكیی مەكتەب قورئانی كوردستان لە ناڕەزایەتی بە لێدوانی مەلا محەممەد ئەمین راستی بەرنوێژی كاتیی شارەكانی سنە و دێگولان، لەلایەن هێزە ئەمنیەتییەكانەوە لە شاری دێگولان دەستبەسەر و رەوانەی زیندانی قوروە كراوە.
لە دادگای دێگولان بە تاوانی \"ناڕەزایەتی بە وتەكانی مەلا مەحەممەد ئەمین و تێكدانی نزمی گشتی\" بە چوار مانگ زیندانی تەعزیری و 20 زەربە شەلاق مەحكووم كراوە.
ناوبراو خێزاندارە و سەرەڕای بەدواداچوونی چەندین جاری بنەماڵەكەی، هێشتا هەر لە زیندان دایە.
بەپێی هەمان سەرچاوە مەلا محەممەد ئەمین راستی لە وتەكانیدا پشتیوانی لە حكوومەتی سووریە و بەشار ئەسەد كردووە و خەڵكی ناڕازی و دژبەرانی بە تیرۆریست لە قەڵەم داوە.
سەرچاوەكە ئەوەشی خستۆتە روو، عەلی ئەكبەر كەمانگەر كەلە لاق و دەستیدا كەم ئەندامە، بەو قسانە ناڕەزایەتیی دەربڕیوە و وتوویەتی: \"ئەی بۆچی لەبارەی جینایەتەكانی بەشار ئەسەد لە سووریەوە قسەیەك ناكەیت\". كە ئەمە بۆتە هۆی ئەوەی كە لەلایەن هێزە ئەمنیەتییەكانەوە قۆڵبەست بكرێت.
