کچە بژاردەیەکی دیواندەریی خەڵاتی نۆبێلی ئێرانیی بەدەست هێنا
11:59 - 23 خەرمانان 2721
کچە بژاردەیەکی دیواندەریی بە ناوی "مریەم مورادنیا"، توانی خەڵاتی ئەلبۆرز بۆ ساڵی ١٤٠٠ بەدەست بهێنێت.
ئەو کچە کوردە لە بواری بیاڤی پزیشکی و پیراپزیشکییەوە، توانی ئەو خەڵاتە بەدەست بهێنێت.
ئەو خەڵاتە بە ئامادەبوونی ٦ ئاوەزمەند (دانشمند)ی ڕێورەسمی ئەو خەڵاتە بەرێوەچووە و مریەم مورادنیا توانی یەکێک لە براوەکانی ئەو خەڵاتە بێت.
مریەم مورادنیا هەتا ئێستا زیاتر لە ٥٠ وتاری بەناوبانگ لە گۆڤار و ڕۆژنامە نێونەتەوەییەکان و ئێرانییەکانی بڵاو کردووەتەوە و هەروەها خاوەنی سێ کتێب و ئەندامی بونیادی میللیی بژاردەکانی ئێرانی لە چەند ساڵی ڕابروودا بووە.
بونیادی فەرهەنگیی ئەلبۆرز لە ڕێکەوتی ٢٧ی ڕەشەمەی ساڵی ١٣٤٢ لەسەر دەستی حوسێنعەلی ئەلبۆرز دامەزراوە و ئەو خەڵاتە بەو کەسانە دەدرێت کە لە بواری زانستیدا، چالاکی دەکەن.
