کوژران و برینداربوونی ١٨ کۆڵبەر لە مانگی خەزەڵوەری ساڵی ٩٩دا
بەپێی ئاماری تۆمارکراو لە ناوەندی ئاماریی ڕێکخراوی مافی مرۆڤی کوردپا لە مانگی خەزەڵوەری ساڵی ١٣٩٩دا، بە گشتیی ١٨ کۆڵبەر کوژرا و بریندار بوونه.
کوژراو: ٦ کەس
بریندار: ١٢ کەس
چۆنییەتی کوژران و برینداربوونی کۆڵبەران:
تەقەی ڕاستەوخۆی هێزە نیزامییەکانی کۆماری ئیسلامی: ١٢ حاڵەت
تەقەی ڕاستەوخۆی هێزە نیزامییەکانی دەوڵەتی تورکیە: ٢ حاڵەت
کوژران و برینداربوونی کۆڵبەران بەهۆی تەقینەوەی مین: ٢ حاڵەت
بە پشتبەستن بە ئاماری ئەم مانگە لە سەرەتای ساڵی ١٣٩٩دا هەتا ئێستا، بە گشتیی ١٧٣ کۆڵبەر لە کوردستانی ئێران کوژرا و برینداربوون.(٤٥ کوژرا و ١٢٨ بریندار).
دەبێت بوترێ:
حەسەن دەلایی میلان، کۆڵبەری کوژرا خەڵکی قاشقابڵاغی شاری چاڵدێران، لە مەودایەکی نزیک گوللـەباران کراوە.
مۆحسێن و موسلح قاسمی، تەمەن ٢٤ و ٢١ ساڵ دوو برای کۆڵبەر بوون، کە لە کاتی کۆڵبەری بە تەقەی هێزە نیزامییەکانی حکوومەتی گیانیان لەدەست دا.
ئامادەکردنی: ئەوین مستەفازادە
