کرێکارێکی تەمەن ٦٣ ساڵ بەهۆی ڕووداوی کار گیانی لەدەست دا

ڕۆژی یەکشەممە ٢ی سەرماوەز، کرێکارێکی کورد بە ناوی "محەممەد عەزیزی" کوڕی ڕەشید تەمەن ٦٣ ساڵ، بەهۆی ڕووداوی کار لە شاری پاوە، گیانی لەدەست دا.

ئەو کرێکارە کوردە، لە کاتی کارکردن لە بینایەکی سێ نهۆمی، بەرببووە و بەهۆی سەختی برینەکانییەوە، پاش ڕەوانەکردنی بۆ نەخۆشخانەی شاری پاوە، گیانی لەدەست دا.

ئەو کرێکارە کوردە، خەڵکی گوندی "میرعەبدڵی" بەخشی باینگانی شاری پاوە بووە.

ئەو ڕووداوە لە گەڕەکی "سەرباوەر"ی شاری پاوە ڕووی داوە.