کانادا گەمارۆی ئابووریی نوێی لە دژی ئێران پەسند کرد
12:07 - 18 رێبەندان 2715
آژانس کوردپا: وڵاتی کانادا لە بڕیارێکی نوێ‌دا، دژی بەرنامەی مووشەکیی ئێران، گەمارۆی ئابووریی نوێی پەسند کرد.
بەپێی ڕاپۆرتە بڵاوکراوەکان، وەزیری دەرەوی کانادا \"ستێڤان دیون\" باسی لە زیادەخوازییە ناوکییەکانی ئێران کرد و گوتی؛ \"کانادا لە ستانداردەکانی خۆی، بەتایبەت لە بواری پێشینەی پێشێلکردنی مافی مرۆڤ لە ئێراندا، چاوپۆشی ناکات\".
ناوبراو له درێژەدا ڕایگەیاند کە؛ \"ئێمە پابەندین بە بەڵێنی خۆمان لەهەمبەر دۆخی مافی مرۆڤ لە ئێراندا و پشتیوانییەکانی ئێران لە ڕێکخراوە تیرۆریستییەکان و بەرنامەی مووشەکی، بە تووندی مەحکووم دەکەین\".
ئێران ١٩ی مانگی ڕەزبەر، مووشەکێکی بالستیک بەناوی \"عیماد\"ی بە مەودای ١٧٠٠ کیلۆمیتری تاقی کردەوە، کە ئەوەش، ناڕەزایەتیی و نیگەرانیی کۆمەڵگای جیهانیی لێکەوتەوە.
بەپێی بڕیارنامەی ١٩٢١ی شوورای ئەمنیەتی ڕێکخراوی نەتەوە یەکگرتووەکان، ئێران مافی کەڵک وەرگرتن لە مووشەکی بالستیک کە توانایی هەڵگرتنی کڵاوەی ناوکیی هەبێی نیە و وڵاتانی دیکەش دەبێت لە فرۆشتنی کەلوپەلی نیزامیی و پارچەکانی چەکوچۆڵ بە ئێران خۆ بپارێزن.
دوای تاقیکردنەوەی مووشەکی بالستیک لە لایەن ئێرانەوە، ئەمریکا گەڵاڵەی نوێی گەمارۆی ئابووری خستە ڕوو کە تا ئێستا لە دەستی تاوتوێکردندایە.
ئەمریکا لە گەڵاڵەیەکی نوێی گەمارۆ ئابوورییەکاندا، چەندین شیرکەت و کەسانی سەر بە ڕێژیمی ئێران کە لە بەرەوپێشبردنی پیشەی مووشەکیی ئێراندا هاوکاریی دەکەن، خستە ناو لیستەی گەمارۆ ئابوورییەکانەوە.
بەپێی ڕاپۆرتە بڵاوکراوەکان، وەزیری دەرەوی کانادا \"ستێڤان دیون\" باسی لە زیادەخوازییە ناوکییەکانی ئێران کرد و گوتی؛ \"کانادا لە ستانداردەکانی خۆی، بەتایبەت لە بواری پێشینەی پێشێلکردنی مافی مرۆڤ لە ئێراندا، چاوپۆشی ناکات\".
ناوبراو له درێژەدا ڕایگەیاند کە؛ \"ئێمە پابەندین بە بەڵێنی خۆمان لەهەمبەر دۆخی مافی مرۆڤ لە ئێراندا و پشتیوانییەکانی ئێران لە ڕێکخراوە تیرۆریستییەکان و بەرنامەی مووشەکی، بە تووندی مەحکووم دەکەین\".
ئێران ١٩ی مانگی ڕەزبەر، مووشەکێکی بالستیک بەناوی \"عیماد\"ی بە مەودای ١٧٠٠ کیلۆمیتری تاقی کردەوە، کە ئەوەش، ناڕەزایەتیی و نیگەرانیی کۆمەڵگای جیهانیی لێکەوتەوە.
بەپێی بڕیارنامەی ١٩٢١ی شوورای ئەمنیەتی ڕێکخراوی نەتەوە یەکگرتووەکان، ئێران مافی کەڵک وەرگرتن لە مووشەکی بالستیک کە توانایی هەڵگرتنی کڵاوەی ناوکیی هەبێی نیە و وڵاتانی دیکەش دەبێت لە فرۆشتنی کەلوپەلی نیزامیی و پارچەکانی چەکوچۆڵ بە ئێران خۆ بپارێزن.
دوای تاقیکردنەوەی مووشەکی بالستیک لە لایەن ئێرانەوە، ئەمریکا گەڵاڵەی نوێی گەمارۆی ئابووری خستە ڕوو کە تا ئێستا لە دەستی تاوتوێکردندایە.
ئەمریکا لە گەڵاڵەیەکی نوێی گەمارۆ ئابوورییەکاندا، چەندین شیرکەت و کەسانی سەر بە ڕێژیمی ئێران کە لە بەرەوپێشبردنی پیشەی مووشەکیی ئێراندا هاوکاریی دەکەن، خستە ناو لیستەی گەمارۆ ئابوورییەکانەوە.
