ژینا حەسەنی‌موقەدەم ڕەوانەی کانوونی ئیسلاح و تەربییەتی سنە کرا
لە ماوەی ڕۆژانی ڕابردوودا، ژینا حەسەنی‌موقەدەم، تەمەن ١٦ ساڵ، خەڵکی سەقز، پاش دەسبەسەرکرانی بە شێوەی کاتی لە گرتنگەی ئیدارەی ئیتلاعاتی سنە، ڕەوانەی کانوونی ئیسلاح و تەربییەتی ئەو شارە کراوە.
سەرچاوەیەکی ئاگادار لەم بارەیەوە بە کوردپای ڕاگەیاندووە: "ژینا حەسەنی‌موقەدەم، ڕۆژی هەینی ٢٨ی جۆزەردان، بەبێ بەڵگەی یاسایی لەلایەن هێزە ئەمنییەتییەکانەوە دەسبەسەر کرا و بۆ لێپرسینەوە ڕەوانەی ئیدارەی ئیتلاعاتی سنە کرابوو.
ئەو سەرچاوەیە ئەوەشی خستە ڕوو کە ئەو هاووڵاتییە کە ماوەی دەسبەسەرکرانیدا یەک جار پەیوەندییەکی کورتی تەلەفۆنیی لەگەڵ بنەماڵەکەی هەبووە.
ئەو سەرچاوە ئاگادارە هەروەها وتوویەتی: "ژینا حەسەنی‌موقەدەم بە دەسبەسەرکرانی بە شێوەی کاتی ڕەوانەی کانوونی ئیسلاح و تەربییەتی سنە کراوە و لەم ماوەیەدا لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری کراوە.
ژینا حەسەنی‌موقەدەم، پێشتر ئەندامی یەکێک لە حیزبە کوردییەکانی ئۆپۆزیسیۆنی حکوومەتی ئێران بووە و مانگی جۆزەردانی ئەمساڵ بە هاوئاهەنگی لەگەڵ بنەماڵەکەی و وەرگرتنی "ئەماننامە" لە ئیدارەی ئیتلاعاتی سەقز، بۆ شوێنی لەدایکبوونی گەڕابووەوە.
