پازدە هاووڵاتیی لە شاری سەلماس دەستبەسەر كران

ئاژانسی كوردپا: هێزە ئەمنیەتییەكانی حكوومەتی ئیسلامیی ئێران لە شاری سەلماس 15 كەسیان لەژێر ناوی \"لات و لوت\" دەستبەسەر كرد.

لە ماوەی یەك حەفتەدا هێزە ئەمنیەتییەكان 15 هاووڵاتیان بە بیانووی \"ئەرازل و ئۆباش\" دەستبەسەر كردووە.

هەواڵدەریی هرانا بڵاوی كردەوە، لە كۆی گشتیی ئەو 15 دەستبەسەر كراوە 9 كەسیان لە پاركی چەمران دەستبەسەر و 6 كەسی دیكەشان لە پاركی میللەت دەستبەسەر كردووە.

سەرچاوەكە ئاشكراشی كردووە، هێزە ئەمنیەتیییەكان لەكاتی دەستبەسەر كردنی ئەو هاووڵاتیانەدا داویانەتە بەر لێدان و كوتان.