هەندێک لە دەزگا حکوومەتییەکان داوای فیلتێرکردنی تۆڕە کۆمەڵایەتییەکانیان کردووە
13:49 - 8 رەشەمه 2715
ئاژانسی کوردپا: وەزیری پێوەندییەکانی کۆماری ئیسلامیی ئێران ڕایگەیاند؛ هەندێک لە دامودەزگا حکوومەتییەکان، گوشاریان خستە سەرمان تاکوو تۆڕە کۆمەڵایەتییەکان فیلتێر بکەین و ئینتێرنێتیش بپچڕێنین.
\"خبر ئانلاین\" لە زاری مەحموود واعزی، وەزیری پێوەندییەکانی کۆماری ئیسلامییەوە بڵاوی کردەوە کە؛ لە بەرەبەری هەڵبژاردنەکاندا بەشێک لە دامەزراوە حکوومەتییەکان، گوشاریان خستە سەرمان تاکوو هێڵی ئینتێرنێت بپچڕێنین و تۆڕە کۆمەڵایەتییەکانیش فیلتێر بکەین، بەڵام ئێمە ئامادە نەبووین ئەم داواکارییە جێبەجێ بکەین.
لە ٢ ڕۆژ پێش لە هەڵبژاردنەکانی مەجلیسی شورای ئیسلامی و مەجلیسی خوبرەگانەوە، هێڵی ئینتێرنێت لە ئێران لەگەڵ دابەزینی ئاستی خێرایی بەرەوڕوو بوویەوە و تەنانەت تۆڕی تێلێگرامیش پچڕا.
واعێزی هەرچەند باسی لەو لایەنانە نەکرد کە وەها گوشارێکیان خستۆتە سەر وەزارەتەکەی، بەڵام چاودێران بەپێی ئەزمونی ڕابردوویان، پێیان وایە ئەم گوشارە لە لایەن وەزارەتی ئیتلاعات و وەزارەتی نێوخۆ و هێزەکانی سپای پاسدارانەوە بووبێت.
لە چەند مانگی ڕابردوودا و هاوکات لەگەڵ نزیک بوونەوە لە خولی دەیەمی هەڵبژاردنەکانی مەجلیسی شورای ئیسلامی، بە هاوئاهەنگی لە نێوان وەزارەتی ئیتلاعات، سپای پاسداران، دەزگای بەسیج و بەیتی ڕێبەری لەگەڵ وەزارەتی نێوخۆ، کە ئەرکی بەڕێوەبردنی ئەم هەڵبژاردنانەی لە ئەستۆیە، \"ئەتڵەسی ئەمنییەتی\"یان بۆ ئێران دانابوو، کە تێیدا کوردستان وەک خاڵی هۆشدار (سوور) دیاری کرابوو.
\"خبر ئانلاین\" لە زاری مەحموود واعزی، وەزیری پێوەندییەکانی کۆماری ئیسلامییەوە بڵاوی کردەوە کە؛ لە بەرەبەری هەڵبژاردنەکاندا بەشێک لە دامەزراوە حکوومەتییەکان، گوشاریان خستە سەرمان تاکوو هێڵی ئینتێرنێت بپچڕێنین و تۆڕە کۆمەڵایەتییەکانیش فیلتێر بکەین، بەڵام ئێمە ئامادە نەبووین ئەم داواکارییە جێبەجێ بکەین.
لە ٢ ڕۆژ پێش لە هەڵبژاردنەکانی مەجلیسی شورای ئیسلامی و مەجلیسی خوبرەگانەوە، هێڵی ئینتێرنێت لە ئێران لەگەڵ دابەزینی ئاستی خێرایی بەرەوڕوو بوویەوە و تەنانەت تۆڕی تێلێگرامیش پچڕا.
واعێزی هەرچەند باسی لەو لایەنانە نەکرد کە وەها گوشارێکیان خستۆتە سەر وەزارەتەکەی، بەڵام چاودێران بەپێی ئەزمونی ڕابردوویان، پێیان وایە ئەم گوشارە لە لایەن وەزارەتی ئیتلاعات و وەزارەتی نێوخۆ و هێزەکانی سپای پاسدارانەوە بووبێت.
لە چەند مانگی ڕابردوودا و هاوکات لەگەڵ نزیک بوونەوە لە خولی دەیەمی هەڵبژاردنەکانی مەجلیسی شورای ئیسلامی، بە هاوئاهەنگی لە نێوان وەزارەتی ئیتلاعات، سپای پاسداران، دەزگای بەسیج و بەیتی ڕێبەری لەگەڵ وەزارەتی نێوخۆ، کە ئەرکی بەڕێوەبردنی ئەم هەڵبژاردنانەی لە ئەستۆیە، \"ئەتڵەسی ئەمنییەتی\"یان بۆ ئێران دانابوو، کە تێیدا کوردستان وەک خاڵی هۆشدار (سوور) دیاری کرابوو.
