هاووڵاتییەكی كورد لە سەردەشت دەستبەسەر كرا

16:19 - 3 خەزەڵوەر 2711
كوردپا: شەوی دووشەمە رێكەوتی 2ی خەزەڵوەر هاووڵاتییەكی كورد لە دەوروبەری سەردەشت لەلایەن هێزی ئینتزامیی حكوومەتی ئیسلامیی ئێرانەوە دەستبەسەر كراوە.
بپێی هەواڵی هەواڵنێری ئاژانسی هەواڵدەریی كوردپا لە سەردەشت، هاووڵاتییەكی كورد بەناوی \"تەها\" خەڵكی گوندی \"كۆڵەسەی سەرێ‌\" لە نزیك گوندی \"قەلەڕەشە\" لەلایەن هێزی ئینتزامیی پاسگای بەردەپانەوە دەستبەسەر كراوە.
هەروه‎ها دەستبەسەر ماشینی ئەو هاووڵاتییەدا گیراوە كە جۆری تویۆتا بووە.
تا كاتی بڵاوبوونەوەی ئەم هەواڵە لە هۆكاری گیران و چارەنووسی ئەو هاووڵاتییە كوردە زانیارییەك لەبەر دەستدا نیە.
لە ناوچە سنوورییەكانی كوردستان بەهۆی كاری قاچاخەوە هاووڵاتییانی كور لەلایەن هێزە نیزامییەكانی ئێرانەوە دەستبەسەردەكرێن، یان بریندار و دەكوژرێن.