هاووڵاتییەکی کورد لە بۆکان دەسبەسەر کرا
لە ماوەی ڕۆژانی ڕابردوودا، هاووڵاتییەکی کورد بە ناوی "سەردار محەممەدپوور"، تەمەن ٢٥ ساڵ، کوڕی خەبات و خەڵکی گوندی "ئاڵی‌کەند" سەر بە بۆکان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزراوە.
ئەو لاوە کوردە، بە بێ بەڵگەی یاسایی لەلایەن هێزە ئەمنییەتییەکانەوە دەسبەسەر کرا و لە چارەنووسی ناوبراو هیچ زانیارییەک لە بەر دەستدا نییە.
هەتا ئێستا لە هۆکاری دەسبەسەرکرانی سەردار محەممەدپوور زانیارییەکی ورد لە بەر دەستدا نییە.
لە ڕۆژی سێشەممە ٣٠ی بەفرانبارهەتا ئێستا، ٨ هاووڵاتیی کوردی خەڵکی گوندی "ئاڵی‌کەند" بە ناوەکانی "حامید ڕەسووڵپوور، ئەیووب ڕەسووڵپوور، حوسێن ڕەسووڵپوور، محەممەد حاجی ڕەسووڵپوور، ئیدریس ڕەسووڵپوور، سەلاح حاجی ڕەسووڵپوور، سیروان محەممەدپوور و قادر ڕەسووڵپوور"، بە بێ بەڵگەی یاسایی لەلایەن هێزە ئەمنییەتییەکانەوە دەسبەسەر کران.
