هاووڵاتییەکی کورد خەڵکی شنۆ لەلایەن هێزە ئەمنییەتییەکانەوە دەسبەسەر کرا
23:41 - 14 رێبەندان 2720
سەرلەبەیانیی ڕۆژی دووشەممە ۱۳ی ڕێبەندان، هاووڵاتییەکی کورد بە ناوی "سەلیم شەریفی"، خەڵکی گوندی "قوروشاوێ" سەر بە شنۆ، لەلایەن هێزە ئەمنییەتییەکانەوە دەسبەسەر کرا.
هێزە ئەمنیەتییەکان بەبێ بەڵگەی یاسایی ئەو هاووڵاتییەیان دەسبەسەر کردووە و بۆ شوێنێکی نادیاریان ڕاگواستووە.
هەتا ئێستا بەدواداچوونەکانی بنەماڵەی سەلیم شەریفی، بۆ ئاگاداربوون لە چارەنووسی ناوبراو بێئاکام ماوەتەوە.
هەتا کاتی بڵاوبوونەوەی ئەم هەواڵە، لە هۆکاری دەسبەسەری و تۆمەتە وەپاڵدراوەکانی دژی ئەو هاووڵاتییە کوردە، زانیارییەک لەبەر دەستدا نییە.
