هاووڵاتییەک لەلایەن هێزە ئەمنییەتییەکانەوە لە دیواندەرە دەسبەسەر کرا
10:53 - 26 جۆزەردان 2721
شەوی دووشەممە ٢٤ی جۆزەردان، هاووڵاتییەکی کورد بە ناوی "تورەج حەبیبی"، خەڵکی دیواندەرە لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کراوە.
هێزە ئەمنییەتییەکان، بەبێ بەڵگەی یاسایی هێرشیان کردووەتە سەر ماڵی ئەو هاووڵاتییە و ناوبراویان دەسبەسەر کردووە.
هەروەها هێزە ئەمنییەتییەکان دەستیان بە پشکنینی ماڵی تورەج حەبیبی کردووە و هەندێک کەرەستەی کەسیی ناوبراویان لەگەڵ خۆیان بردووە.
هەتا کاتی بڵاوبوونەوەی ئەم هەواڵە لە هۆکاری دەسبەسەری و تۆمەی وەپاڵدراو دژی ئەو هاووڵاتییە کوردە زانیارییەک لەبەردەستدا نییە.
