٦ هاووڵاتیی لە پیرانشار دەسبەسەر کران
ئێوارەی ڕۆژی یەکشەممە ٢٥ی خەزەڵوەر، چوار هاووڵاتیی کورد بە ناوەکانی "نەجمەدین سووخەنوەر تەمەن ٣٦ ساڵ، شۆڕش عەبدوڵڵا نژاد تەمەن ٣٧ ساڵ، سەلاح ئاجی تەمەن ٥٠ ساڵ و ڕەحمانی ئاجی تەمەن ٢٢ ساڵ" خەڵکی گوندی "گەرگوولی خوارێ" سەر به شاری پیرانشار، لەلایەن هێزە ئەمنییەتییەکانەوە دەسبەسەر کران.
هاوکات لەگەڵ دەسبەسەرکردنی ئەو ٤ هاووڵاتییە کوردە، هێزە ئەمنییەتییەکان دوو هاووڵاتیی دیکەی کوردەیان بە ناوەکانی "ئیسماعیل حاجی عەبدوڵڵا و عەلی جۆڵا" خەڵکی گوندی "شێناوێـ"ـی شاری پیرانشار دەسبەسەر کران.
دەسبەسەرکردنی ئەو ٦ هاووڵاتییە کوردە بە بێ بەڵگەی یاسایی بووە و ڕەحمانی ئاجی پاش تەواوبوونی ماوەی لێپرسینەوەکەی، ڕۆژی دووشەممە ٢٦ی خەزەڵوەر، ئازاد کرابوو.
ئەو ٥ هاووڵاتییەکەی دیکە هەتا ئێستا لە گرتنگەدان و لە هۆکاری دەسبەسەرکران و شوێنی ڕاگیرانیان هیچ زانیارییەک لەبەردەستدا نییە.
