٦ هاووڵاتیی خەڵکی ئیلام کەمتر لە ٢٤ کاتژمێر بوونە قوربانیی گازگرتوویی
12:44 - 7 خاکەلێوه 2721
٦ کەس لە دوو بنەماڵەی خەڵكی ئیلام، لە کاتی گەشت و سەیراندا، بەهۆی گازگرتووییەوە لەنێو خێوەتدا، گیانیان لەدەست دا.
شەوی پێنجشەممە ٥ خاکەلێوە، سێ کەس لە ناوچەی "ئەنارەکـ"ـی شاری چوار سەر بە پارێزگای ئیلام، بەهۆی گازگرتووییەوە لەنێو خێوەتدا، گیانیان لەدەست دا.
ئەو سێ کەسە ئەندامانی یەک بنەماڵەن و لە کەرەستەی گەرمکردنەوەی ناستاندارد کەلکیان وەرگرتبوو.
لە لایەکی دیکەوە و لە ڕووداوێکی هاوشێوەدا، سەرلەبەیانی ڕۆژی هەینی، سێ کەسی دیکە بە هۆی ژاراویبوونی گازی مۆنۆکسید کەربۆن ( (coلە ناوچەیەکی دیکەی پاڕێزگای ئیلام، گیانیان لەدەست دا.
ئەو دوو بنەماڵەیە لە کاتی گەشت و سەیران و کەمتر لە ٢٤ کاتژمێر تووشی ئەو ڕووداوە بوونە.
