ناوەندی ئاماری ڕێکخراوی کوردپا خشتەی ئاماری ١٠ ساڵەی لە چۆنیەتیی کوژران و برینداربوونی کۆڵبەران لە کوردستانی ئێران بڵاو دەکاتەوە
بەپێی ئەو خشتەیە لە سەرەتای ساڵی ١٣٩٠ هەتا ڕێکەوتی ١٠ی گەلاوێژی ساڵی ١٣٩٩، کۆی ١٣٦٠ کۆڵبەر لە کوردستانی ئێران کوژراون و بریندار بوون (٤٩٦ کوژراو و ٨٦٤ بریندار).
٧٨ لەسەد لەو کۆڵبەرانە بە تەقەی ڕاستەوخۆی هێزە نیزامییەکانی کۆماری ئیسلامی کوژراون و بریندار بوون.
کوژراو و برینداربوونی کۆڵبەران بەهۆی تەقینەوەی مین و سەرمابردوویی، هەر کامیان ٦ لەسەد و لە پلەی دووەمدان.
بەربوونەوە لە بەرزایی ٤ لەسەد لە پلەی سێیەمدایە.
٢٢ کەس لە کۆڵبەرانی کوژراو و بریندار، تەمەنیان لە ژێرەوەی ١٨ ساڵ بووە.
چۆنیەتیی کوژران و برینداربوونی کۆڵبەران:
کوژران و برینداربوونی کۆڵبەران بە تەقەی ڕاستەوخۆی هێزە نیزامییەکانی حکوومەت؛ ١٠٢٠ حاڵەت.
گیانلەدەستدان و برینداربوونی کۆڵبەران بەهۆی سەرمابردوویی لە بەفر و بۆران؛ ٧٣ حاڵەت.
کوژران و برینداربوونی کۆڵبەران بەهۆی تەقینەوەی مین: ٧٣ حاڵەت.
کوژران و برینداربوونی کۆڵبەران بەهۆی بەربوونەوە لە بەرزایی؛ ٥٤ حاڵەت.
کوژران و برینداربوونی کۆڵبەران بەهۆی کەوتنە نێو ڕووبار، بە تایبەتی لە ئەنجامی ڕاودوونانی هێزە نیزامییەکان؛ ٣٦ حاڵەت.
برینداربوونی کۆڵبەران بەهۆی لێدان و ئازار و ئەشکەنجەی هێزە نیزامییەکان؛ ٦ حاڵەت.
کوژران و برینداربوونی کۆڵبەران بە تەقەی هێزە نیزامییەکانی ئەرتشی تورکیە؛ ١١ حاڵەت.
گیانلەدەستدانی کۆڵبەران لە کاتی کۆڵبەری بەهۆی جەڵتەی دڵەوە؛ ١٢ حاڵەت.
بەربوونەوەی بار بەسەر کۆڵبەران لە کاتی کۆڵبەری؛ ١ حاڵەت.
بێسەروشوێنبوونی کۆڵبەران؛ ٥ حاڵەت.
پچڕانی دەماری کۆڵبەر لە کاتی کۆڵبەری؛ ١ حاڵەت.
گازگرتوویی لە خێوەتی کۆڵبەر لە شاخ؛ ١ حاڵەت.
کوژران و برینداربوونی کۆڵبەران لە ئەنجامی تۆپبارانکردنی ناوچە سنوورییەکان؛ ٦حاڵەت.
کوژران و برینداربوونی کۆڵبەران لە ئاکامی هێرشی فڕۆکەکانی تورکیە لە ناوچە سنوورییەکان؛ ٤ حاڵەت.
خستنە خوارەوەی کۆڵبەران بە دەست و پێ بەستراوی لەلایەن هێزە نیزامییەکانەوە؛ ٣ حاڵەت.
گیانلەدەستدانی کۆڵبەران بە هۆکاری ناڕوون؛ ١ حاڵەت.
برینداربوونی کۆڵبەران بەهۆی ڕووداوی هاتوچۆ لە کاتی کۆڵبەری؛ ٥٣ حاڵەت.
