لە سنووری شێخ سڵەی سەلاسی باوەجانی پاسدارێک کوژرا
11:37 - 16 رەزبەر 2720
ڕۆژی دووشەممە ١٤ی ڕەزبەر، پاسدارێکی ئیلامی بە ناوی "عەلیڕەزا دارابی" لە بەرزاییەکانی سنووری بێزڵ لە سنووری شیخ سڵەی سەلاسی باوەجانی کوژرا.
ڕووداوی پارێزگای ئیلام لەوبارەیەوە نووسیوویەتی: "ئەو پاسدارە لە کاتی بۆسەدانان لە دژی ئەشراردا کوژراوە".
هەرچەند هەواڵدەرییە حکوومەتییەکان کوژرانی ئەو پاسدارەیان بۆ کاتی مەئموورییەت و بۆسەدانان بۆ "ئەشرار" گەڕاندووەتەوە، بەڵام هەتا ئێستا هیچ کەس و لایەنێک کوژرانی ئەو پاسدارەیان بەئەستۆ نەگرتووە.
ئەو پاسدارە لە تیپی ١١ی ئەمیرەلموئمنینی شاری ئیلام بووە.
پەیوەندییە گشتییەکان و پڕوپاگەندەی سپای ئەمیرەلموئمنین، کوژرانی ئەو پاسدارەی لە سنووری سەلاسی باوەجانی بۆ پاراستنی سنوورەکان گەڕاندووەتەوە.
