سێ هاووڵاتی لە سەردەشت بە ٧٤ زەربە قامچی مەحکووم کران

بەرپرسی ئیدارەی ژینگەپارێزیی سەردەشت، باسی لە مەحکوومکرانی سێ کەس بە تۆمەتی "ئازاردانی ئاژەڵان"، بە لێدانی ٧٤ زەربە قامچی کرد.

بە وتەی "خالید بایەزیدی"، ئەو ٣ کەسە بە شێوەی نایاسایی دەستیان کردووە بە کێبڕکێی شەڕە سەگ و بە ڕاگەیاندنی تاوانەکەیان لەلایەن ئیدارەی ژینگەپارێزیی شاری سەردەشت، ٣ کەس بە لێدانی ٧٤ زەربە قامچی مەحکووم کران.

بە وتەی بەرپرسی ئیدارەی ژینگەپارێزیی سەردەشت، پاش بڵاوبوونەوەی وێنەی ئازاردانی ئاژەڵان لە تۆڕە کۆمەڵایەتییەکان و ناساندنی ئەو ٣ کەسە، بە پشتبەستن بە مادەی ٦٨٨ یاسای تەعزیرات، تاوانباران بە لێدانی ٧٤ زەربە قامچی مەحکووم کران.