رۆژی جیهانیی ئیدز لە رۆژژمێری فەرمیی ئێران سڕایەوە
15:07 - 24 رەشەمه 2711
كوردپا: شۆرای ئینقلابی فەرهەنگیی حكوومەتی ئیسلامیی ئێران بەبێ‌راوێژ لەگەڵ وەزارەتی تەندروستی سڕینەوەی رۆژی جیهانیی ئیدزیان لە رۆژژمێری فەرمیی وڵات پەسند كردووە و ئەم بڕیارە لەلایەن سەركۆماریشەوە تەئید كراوە.
رۆژنامەی ئیعتماد لە راپۆرتێكی شیكاریدا پڕژاوەتە سەر مەسەلەی سڕینەوەی رۆژی جیهانیی ئیدز لە رۆژژمێری فەرمیی ئێران و نووسیویە: \"بەپێی بەندەكانی ئایین نامەی ناودێر كردنی رۆژ و بۆنە تایبەتییەكان\" لە كۆبوونەوەی شۆرای باڵای ئینقلابی فەرهەنگیی حكوومەت كە رێكەوتی 24ی خەرمانانی ساڵی 1388 بە واژۆی مەحموود ئەحمەدی نەژاد بەرپرسی ئەو شۆرایە گیشتووە، لەمەوبەدوا ئەو رۆژ و بۆنانە لە رۆژژمێردا دەگونجێنرێن كە هەموو حەشیمەتی وڵات بگرێتەوە.
لە بەندەكانی بڕیارنامەی ئەو كۆبوونەوەیەدا باس لە گرینگیی رۆژەكان و كاریگەریی لەسەر گشت لایەن و توێژەكانی كۆمەڵگا كراوە، هەر بۆیە رۆژی جیهانیی ئیدزیان لەناو رۆژەكانی رۆژژمێری فەرمیی وڵاتدا سڕیوەتەوە.
سڕینەوەی رۆژی جیهانیی ئیدز لەناو رۆژژمێری فەرمیی وڵات لە حاڵێكدا جێبەجێ‌كراوە كە نەتەنیا وەزارەتی تەندروستی لێی ئاگادار نەبووە، بەڵكوو بەپێی ئامارەكانی خودی ئەو وەزارەتەش 23 هەزار كەسی تووشبوو بە نەخۆشیی ئیدز لە ئێران تەنیا شناسایی كراون و نزیك بە 5 بەرابەری ئەو ئامارەش هێشتا نەناسراون و بە شاراوەیی ماونەتەوە.
جێبەجێ‌كردنی ئەم بڕیارە لەلایەن شۆرای باڵای ئینقلابی فەرهەنگیی حكوومەتی ئیسلامیی ئێرانەوە لە كاتێك دایە كەلە رۆژانی رابردوودا وەزارەتی تەندروستی لە راپۆرتێكدا دەسپێكی شەپۆلی دووەمی ئیدز لە ئێران و شێوازی پەرەسەندن و گواستنەوەی بۆ كەسانی دیكەی زۆر بە مەترسیدار وەسف كردبوو.
لە درێژەی راپۆرتی رۆژنامەی ئیعتماددا هاتووە، وەزارەتی تەندروستی وەكوو داڕێژەری سیاسەتی تەندروستی و هیچ ئاگایەكی لە سڕینەوەی ئەو رۆژە لە رۆژژمێری فەرمیدا نەبووە، ئەم بڕیارە لە كاتێك دایە كەلە كۆبوونەوەی 544ی شۆرای باڵای ئینقلابی فەرهەنگیی حكوومەت رێكەوتی 20ی گەلاوێژی ساڵی 1383 رۆژی جیهانیی ئیدز10ی سەرماوەزی ساڵی هەتاوی (1ی دێسامبری ساڵی زایینی) بە پێشنیاری وەرزارەتی تەندروستی پەسند كرد و لە ساڵی 1384ەوە وەك رۆژێكی فەرمی لە رۆژژمێری ئێراندا گونجێنرا.
شارەزایانی تەندروستی و پسپۆڕانی بواری ئەو نەخۆشیە لەو باوەڕە دان، ئەوەی جێگای پرسیارە ئەمەیە كە لەبەرچی 6 ساڵ لەمەوبەر دیاری كردنی ئەو رۆژە لە ئێران گونجاو بوو، لە حاڵێكدا ئەوكاتیش رێژەیەكی كەم نەخۆشی ئیدز لە ئێران هەبوون، بەڵام ئێستا بەپێی ئامارە نافەرمییەكان كە زیاتر لە 100 هەزار نەخۆشی ئیدز لە ئێران هەن، بۆچی ئەو رۆژە لە ریزی رۆژ و بۆنە تایبەتەكان لە رۆژژمێری فەرمیمدا دەسڕێتەوە؟
رۆژنامەی ئیعتماد لە راپۆرتێكی شیكاریدا پڕژاوەتە سەر مەسەلەی سڕینەوەی رۆژی جیهانیی ئیدز لە رۆژژمێری فەرمیی ئێران و نووسیویە: \"بەپێی بەندەكانی ئایین نامەی ناودێر كردنی رۆژ و بۆنە تایبەتییەكان\" لە كۆبوونەوەی شۆرای باڵای ئینقلابی فەرهەنگیی حكوومەت كە رێكەوتی 24ی خەرمانانی ساڵی 1388 بە واژۆی مەحموود ئەحمەدی نەژاد بەرپرسی ئەو شۆرایە گیشتووە، لەمەوبەدوا ئەو رۆژ و بۆنانە لە رۆژژمێردا دەگونجێنرێن كە هەموو حەشیمەتی وڵات بگرێتەوە.
لە بەندەكانی بڕیارنامەی ئەو كۆبوونەوەیەدا باس لە گرینگیی رۆژەكان و كاریگەریی لەسەر گشت لایەن و توێژەكانی كۆمەڵگا كراوە، هەر بۆیە رۆژی جیهانیی ئیدزیان لەناو رۆژەكانی رۆژژمێری فەرمیی وڵاتدا سڕیوەتەوە.
سڕینەوەی رۆژی جیهانیی ئیدز لەناو رۆژژمێری فەرمیی وڵات لە حاڵێكدا جێبەجێ‌كراوە كە نەتەنیا وەزارەتی تەندروستی لێی ئاگادار نەبووە، بەڵكوو بەپێی ئامارەكانی خودی ئەو وەزارەتەش 23 هەزار كەسی تووشبوو بە نەخۆشیی ئیدز لە ئێران تەنیا شناسایی كراون و نزیك بە 5 بەرابەری ئەو ئامارەش هێشتا نەناسراون و بە شاراوەیی ماونەتەوە.
جێبەجێ‌كردنی ئەم بڕیارە لەلایەن شۆرای باڵای ئینقلابی فەرهەنگیی حكوومەتی ئیسلامیی ئێرانەوە لە كاتێك دایە كەلە رۆژانی رابردوودا وەزارەتی تەندروستی لە راپۆرتێكدا دەسپێكی شەپۆلی دووەمی ئیدز لە ئێران و شێوازی پەرەسەندن و گواستنەوەی بۆ كەسانی دیكەی زۆر بە مەترسیدار وەسف كردبوو.
لە درێژەی راپۆرتی رۆژنامەی ئیعتماددا هاتووە، وەزارەتی تەندروستی وەكوو داڕێژەری سیاسەتی تەندروستی و هیچ ئاگایەكی لە سڕینەوەی ئەو رۆژە لە رۆژژمێری فەرمیدا نەبووە، ئەم بڕیارە لە كاتێك دایە كەلە كۆبوونەوەی 544ی شۆرای باڵای ئینقلابی فەرهەنگیی حكوومەت رێكەوتی 20ی گەلاوێژی ساڵی 1383 رۆژی جیهانیی ئیدز10ی سەرماوەزی ساڵی هەتاوی (1ی دێسامبری ساڵی زایینی) بە پێشنیاری وەرزارەتی تەندروستی پەسند كرد و لە ساڵی 1384ەوە وەك رۆژێكی فەرمی لە رۆژژمێری ئێراندا گونجێنرا.
شارەزایانی تەندروستی و پسپۆڕانی بواری ئەو نەخۆشیە لەو باوەڕە دان، ئەوەی جێگای پرسیارە ئەمەیە كە لەبەرچی 6 ساڵ لەمەوبەر دیاری كردنی ئەو رۆژە لە ئێران گونجاو بوو، لە حاڵێكدا ئەوكاتیش رێژەیەكی كەم نەخۆشی ئیدز لە ئێران هەبوون، بەڵام ئێستا بەپێی ئامارە نافەرمییەكان كە زیاتر لە 100 هەزار نەخۆشی ئیدز لە ئێران هەن، بۆچی ئەو رۆژە لە ریزی رۆژ و بۆنە تایبەتەكان لە رۆژژمێری فەرمیمدا دەسڕێتەوە؟
