دوو هاووڵاتیی کورد لە سەقز و سنە دەسبەسەر کران
11:07 - 6 رێبەندان 2720
ڕۆژی یەکشەممە ٥ی ڕێبەندان، هاووڵاتییەکی کورد بە ناوی "بابەک بابایی"، تەمەن ٣٠ ساڵ و خەڵکی شاری سەقز لەلایەن هێزە ئەمنییەتییەکانەوە دەسبەسەر کرا.
هێزە ئەمنییەتییەکان، بە بێ بەڵگەی یاسایی ئەو هاووڵاتییە کوردەیان دەسبەسەر کردووە و بۆ شوێنێکی نادیاریان ڕاگواستووە.
لەو پەیوەندییەدا، ڕۆژی شەممە ٤ی ڕێبەندان، هاووڵاتییەکی کورد بە ناوی "سیروان ئەمینی"، خەڵکی شارەکی حەسەن‌ئاوای سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئەو هاووڵاتییە، بە بێ بەڵگەی یاسایی دەسبەسەر کرا و لە کاتی دەسبەسەرکرانیدا، کەوتووەتە بەر لێدانی هێزە ئەمنییەتییەکانەوە.
هەتا کاتی بڵاوبوونەوەی ئەم هەواڵە، لە هۆکاری دەسبەسەری و تۆمەتەوەپاڵدراوەکانی دژی ئەو دوو هاووڵاتییە کوردە، زانیارییەک لە بەر دەستدا نییە.
