خەڵکی "شیناوێ" بۆ هەڵ کردنی ئاگری نەورۆز لە نزیک قوتابخانە سووتاوەکە، رێگرییان لێ دەکرێت

ئاژانسی کوردپا: لە کاتێکدا کە خەڵکی گوندی شیناوێ خۆیان بۆ هەڵ کردنی ئاگری نەورۆز لە نزیک قوتابخانە سووتاوەکەی ئەو گوندە ئامادە کردبوو، هێزە ئیتلاعاتیەکانی حکوومەتی ئیسلامیی ئێران لەمەڕ بەێوەبردنی ئەو رێوڕەسمە هەڕەشەیان لە هاووڵاتیانی ئەو گوندە کرد.

بەپێی هەواڵی گەیشتوو بە ئاژانسی هەواڵدەریی کوردپا، ئەمڕۆ پێنجشەممە رێکەوتی ٢٤ی رەشەممە چەند کەس لە هاووڵاتیانی گوندی شیناوێ بانگهێشتی حیفازەت ئیتلاعاتی شاری پیرانشار کراون و پێیان راگەیەندراوە کە بۆیان نییە بەهێچ جۆرێک بۆ بەڕێوەبردنی جەژنی نەورۆز کۆببنەوە.

هەروەها دوێنێ چوارشەممە ڕێکه‌وتی ٢٣ی رەشەممە کۆمەڵێک لە لاوان و که‌سایه‌تیی گونده‌کانی \"بێکۆس، جه‌ڵدیان و بادیناوا بانگ کراونه‌ته‌حیفازەت – ئیتلاعاتی هێزی ئینتزامی و به‌رەوڕووی هەڕەشە و لێدان بوونەتەوە و تەنانەت په‌نجه‌مۆر و بەڵێنیان لێ ئەستاندوون که‌خۆیان له‌به‌ڕێوه‌بردنی جەژنی نەورۆز ببوێرن.

چەند هاووڵاتییەکی ناوچەی پیرانشار بە \"ئاژانسی کوردپا\"یان راگەیاند: حکوومەت هه‌موو هێز و توانای خۆی خستۆته‌گه‌ڕ تا نه‌ورۆز و خه‌ڵک لێک داببڕی و نەهێڵێت ئاگری نه‌ورۆزی ١٣٩٢ی هه‌تاوی له‌لایه‌ن خه‌ڵک و لاوه‌کانی شار و دێهاته‌کانی پیرانشارەوە بکرێتەوە.