تەپۆڵكەی مێژووی حەسەنلوو لە بەرەبەری لەناو چوون دایە

14:41 - 26 رێبەندان 2711
فەرهەنگ و هونەر
كوردپا: هەتا ئێستا هیچ چوارچێوە و سنوورێك بۆ تەپۆڵكەی مێژووی حەسەنلوو لە شاری نەغەدە دیاری نەكراوە و بەو هۆیەوە ئەو شوێنە مێژووییە لە بەرەبەری لەناو چوون دایە.

بەپێی هەواڵی گەیشتوو بە ئاژانسی هەواڵدەریی كوردپا: درووست كردنی بینا و نەبوونی چوارچێوەیەكی پارێزراو وای كردووە كە تەپۆڵكەی حەسەنلوو بەرەو نابووتی بروات.

هاووڵاتییانی ئاوایی ئەمینلوو لە نزیك تەپۆڵكەی حەسەنلوو لەو باوەڕەدان كە ئیدارەی میراس فەرهەنگیی شاری نەغەدە لەو پێوەندییەدا كەمتەرخەمیی نواندووە.

تەپۆڵكەی مێژوویی حەسەنلوو لە دەشتی سەرسەوزی سڵدووزی شاری نەغەدە هەڵكەوتووە و بە یەكێك لە شوێنە مێژووییەكانی ئێران و جیهان دێتە ئەژمار.

مێژووی درووست بوونی ئەو تەپۆڵكەیە دەگەڕێتەوە بۆ 800 هەتا 1400 ساڵ بەر لە زایین.

جامی زێڕین (زرین حسنلو) بە یەكێك لە ئاسەوارە بەنرخەكانی دۆزراوە لەناو ئەو تەپۆڵكەیە دێتە ئەژمار و ئێستا لە مۆزەخانەی شاری تاران رادەگێرێ‌.
22:20 - 2 رەشەمه 2723
ڕۆژی جیهانیی زمانی دایکی؛ دەسبەسەرکران، بەندکران و سزادانی ١٨ چالاکی زمان و وێژەی کوردی هاوکات لەگەڵ بزووتنەوەی ژن، ژیان، ئازادی
09:55 - 18 خەزەڵوەر 2723
سەقز؛ چاپخانەی "پەنجەرە" داخرا
12:14 - 15 رەزبەر 2723
ڕەزا نەزەری کاکەوەندی، چالاکی بواری شانۆ، ئیزنی چالاکی لەم بوارەی لێ وەرگیرا
17:08 - 5 پووشپەڕ 2723
گرووپی فەرهەنگی هونەریی دیلانی ورمێ، پلەی دووەمی فێستیڤاڵی "Fiestalonia Milenio "ی لە ئێسپانیا بەدەست هێنا