تەقینەوەکانی شاری هەولێــــر ٦٢ بریندار و ٦ کوژراوی لێکەوتەوە
18:07 - 7 رەزبەر 2713
ئاژانسی کوردپا: زنجیرەیەک پەلاماری خۆکوژی و \"تیرۆریستی\"دا لەبەردەم ئاسایشی هەوڵێردا هاتە ئاراوە و ژمارەیەک هاووڵاتیی کردە قوربانی.
بەپێی هەواڵی سەرچاوە نێوخۆییەکانی هەرێمی کوردستان، پاشنیوەڕۆی ئەمڕۆ یەکشەممە ٧ی رەزبەر لە بەردەم ئاسایشی هەولێردا پێنج تەقینەوە روویداوە و لە ئەنجامدا ٦ هاووڵاتی کوژراون و ٦٢ کەسیش بە توندی بریندار بوون.
دەگوترێ کە هاوکات لەگەڵ تەقینەوەکان، لەلایەن چەند کەسێکەوە تەقە لە هاووڵاتییان و هێزی ئاسایشی هەولێر کراوە و هەروەها ٦ کەس لەو هێرشبەرانە بەدەستی هێزەکانی ئاسایش کوژراون.
لەلایەکی دیکەوە ماشێنێکی بۆمبڕێژکراو لەلایەن ئاسایشی هەولێرەوە پووچەڵ کراوەتەوە.
هەتا کاتی بڵاوبوونەوەی ئەم هەواڵە هیچ لایەنێک وەک ئەنجامدەری ئەو کردەوە تیرۆریستییەیانە رانەگەیەندراوە و هاوکات هیچ کەس و لایەنێکیش بەرپرسیارەتیی ئەو تەقینەوانەی بەئەستۆ نەگرتووە.
ئەم تەقینەوانە لەکاتێک دایە کە تەنیا یەک رۆژ بەسەر راگەیاندنی ئەنجامی هەڵبژاردنەکانی پەرلەمانی هەرێمی کوردستاندا تێدەپەڕێت.
بەپێی هەواڵی سەرچاوە نێوخۆییەکانی هەرێمی کوردستان، پاشنیوەڕۆی ئەمڕۆ یەکشەممە ٧ی رەزبەر لە بەردەم ئاسایشی هەولێردا پێنج تەقینەوە روویداوە و لە ئەنجامدا ٦ هاووڵاتی کوژراون و ٦٢ کەسیش بە توندی بریندار بوون.
دەگوترێ کە هاوکات لەگەڵ تەقینەوەکان، لەلایەن چەند کەسێکەوە تەقە لە هاووڵاتییان و هێزی ئاسایشی هەولێر کراوە و هەروەها ٦ کەس لەو هێرشبەرانە بەدەستی هێزەکانی ئاسایش کوژراون.
لەلایەکی دیکەوە ماشێنێکی بۆمبڕێژکراو لەلایەن ئاسایشی هەولێرەوە پووچەڵ کراوەتەوە.
هەتا کاتی بڵاوبوونەوەی ئەم هەواڵە هیچ لایەنێک وەک ئەنجامدەری ئەو کردەوە تیرۆریستییەیانە رانەگەیەندراوە و هاوکات هیچ کەس و لایەنێکیش بەرپرسیارەتیی ئەو تەقینەوانەی بەئەستۆ نەگرتووە.
ئەم تەقینەوانە لەکاتێک دایە کە تەنیا یەک رۆژ بەسەر راگەیاندنی ئەنجامی هەڵبژاردنەکانی پەرلەمانی هەرێمی کوردستاندا تێدەپەڕێت.
