تەزووی کارەبا گیانی کرێکارێکی خەڵکی سەردەشتی لە هەرێمی کوردستان ئەستاند

ڕۆژی شەممە ٢٨ی خاکەلێوە، کرێکارێکی کورد بە ناوی "جەماڵ ئەحمەدی" کوڕی حوسێن خەڵکی گوندی "نێوژێـ"ـی شاری سەردەشت، لە کاتی کارکردن لە هەرێمی کوردستاندا، تووشی ڕووداوی کار بووە و گیانی لەدەست داوە.

ئەو کرێکارە کوردە، لە بینایەکی نیوەکارەدا خەرێکی کاربووە کە بەهۆی تەزووی کارەباوە گیانی لەدەست داوە.

بەهۆی بێکاری و گرانیی لەڕداەبەدەر لە ئێران و بەتایبەت لە کوردستاندا، ژمارەیەکی زۆر لە هاووڵاتییان بۆ کارکردن و دابینکردنی بژێویی ژیانیان، ڕوو لە هەرێمی کوردستان دەکەن کە زۆر جار تووشی ڕووداوی کار دەبن و بەو هۆیەوە گیانیان لەدەست دەدەن.

ساڵانە چەندین ڕووداوی مردنی کرێکارانی کوردی خەڵکی کوردستانی ڕۆژهەڵات، لە هەرێمی کوردستاندا دێتە ئاراوە.