بەرهەمی هونەرمەندی گرافیستی كورد لە ڤێستیفاڵی نێودەوڵەتیی لهێستان بەشداری دەكات

ئاژانسی كوردپا: یەكێك لەو بەرهەمانەی كە ئەمساڵ لە شاری \"تورن\" لە لێهستان نمایش دەكرێ‌، بەرهەمی گرافیست كاری كوردی خەڵكی شاری سنەیە.

بەپێی هەواڵی ئاژانسی هەواڵدەریی كوردپا، بەرهەمی گرافیستكاری كورد سەید مێهران زارع لەو بەرهەمانە كە رێگای پێدراوە بچێتە وڵاتی لێهستان و لە پیشنگای شاری \"تورن\" نمایش بدرێت.

ئەمساڵ لە كۆی 1450 بەرهەم کە لەلایەن 784 هونەرمەند و لە 62 وڵات و بۆ وێنە \"باشوور و باکووری ئەمریکا، ئورووپا، ئەقیانووسیە، ئەفریقا و ئاسیا بە فێستیفاڵ گەیشتوون، تەنیا کۆمەڵێک بەرهەم گەیشتوونەتە قۆناغی پێشبڕکێی ئەو فێستیفاڵە.

بەرهەمی سەید مێهران زارع تەمەن 25 ساڵ و كارناسی گرافیک رێكەوتی 24‌ی خەرمانان نمایش دەكرێت.