هەرسین؛ کۆبوونەوەی لێپرسینەوەی عەبدوڵڵا ڕەزایی، چالاکی سێنفیی مامۆستایان بەڕێوە چوو

ڕۆژی دووشەممە ٢٠ی ڕەشەمەی ١٤٠٣، کۆبوونەوەی لێپرسینەوەی عەبدوڵڵا ڕەزایی، چالاکی سێنفیی مامۆستایان و ئەندامی لێژنەی بەڕێوەبەریی ئەنجومەنە سێنفییەکانی فەرهەنگیانی هەرسین بە تۆمەتی "پڕوپاگەندە دژی نیزام لە ڕێگەی بەڕێوەبردنی کۆبوونەوەی نایاسایی" لە دادسەرای گشتی و ئینقلابی ئەم شارە بەڕێوە چوو.

ئەم چالاکە سێنفییەی مامۆستایان پاش تێگەیاندنی لە تۆمەتەکەی بە دانانی بارمتەی یەک میلیارد تمەنی و بە شێوەی کاتی ئازاد کراوە.

دۆسییەی عەبدوڵڵا ڕەزایی، بە مەبەستی تێپەڕاندنی ڕەوتی دادوەری ڕادەستی لقی ١٦ی دادسەرای گشتی و ئینقلابی کرماشان کراوە.

عەبدوڵڵا ڕەزایی ڕۆژی ١٥ی ڕەشەمەی ١٤٠٣ بەڵگەی بانگکرانی پێ گەیشتبوو.