نەغەدە؛ دەسبەسەرکرانی توندوتیژانەی ئەیووب ئارمەند لەلایەن هێزە ئەمنییەتییەکانەوە
21:42 - 27 بەفرانبار 2724
ڕۆژی پێنجشەممە ٢٧ی بەفرانباری ١٤٠٣، هاووڵاتییەکی کورد بە ناوی "ئەیووب ئارمەند" خەڵکی نەغەدە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکەی ئاگادار، هێزە ئەمنییەتییەکان بە بێ بەڵگەی یاسایی و بە توندوتیژییەوە ئەم هاووڵاتییەیان لە شاری نەغەدە دەسبەسەر کردووە.
ئەیووب ئارمەند تەمەنی ٣٥ ساڵ، خێزاندرە و منداڵیکی هەیە.
هەتا کاتی بڵاوبوونەوەی ئەم هەواڵە سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەیووب ئارمەند زانیارییەک دەست نەکەوتووە.
