دیواندەرە؛ دەسبەسەرکرانی دوو هاووڵاتیی دیکە لەلایەن هیزە ئەمنییەتییەکانەوە

شەوی هەینی ٢٣ی خەرمانانی ١٤٠٣، دوو هاووڵاتیی کورد بە ناوی "مازیار مورادی" تەمەن ٢٦ ساڵ و "پێدرام مەحموودی" تەمەن ٢٥ ساڵ و خەڵکی دیواندەرە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.

بە وتەی سەرجاوەیەکی ئاگادار، هێزە ئەمنییەتییەکان بە بێ بەڵگەی یاسایی و بە توندوتیژییەوە ئەم دوو هاووڵاتییەیان لە کاتی گەڕانەوە لە شوێنی کارەکەیانەوە لە جاددەی "ساحلی"ی دیواندەرەدا دەسبەسەر کردوون.

هەتا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی ئەم دوو هاووڵاتییە کوردە زانیارییەک لەبەر دەستدا نییە.

وێنە لە ڕاستەوە بۆ چەپ: مازیار مورادی و پێدرام مەحموودی